مۇنايدىڭ ءبىر باررەلى 47 دوللاردان تومەندەدى

اقپانداعى جەتكىزىلىمدەگى مۇنايدىڭ ەڭ تومەنگى باعاسى باررەلى ءۇشىن $46,66 بولعان. ساۋدا ناتيجەسى بويىنشا Brent باررەلىنىڭ قۇنى $47,43 قۇرادى.

 اقپانداعى جەتكىزىلىمنىڭ مينيمالدى كەلىسىمشارتىندا WTI مۇنايىنىڭ ءبىر باررەلى نيۋ- يوركتەگى ساۋدادا $45,30 دەپ كورسەتىلگەن. كۇن قورىتىندىسى بويىنشا WTI باررەلىنىڭ باعاسى $46,07 قۇرادى.

 امەريكاندىق مۇناي باعاسى ەلدەگى مۇناي قورىنىڭ ۇلعايۋى اياسىندا ارزاندادى. بۇل جاھاندىق دەڭگەيدە مۇنايدىڭ كوپ بولۋىنا اكەلەدى، دەپ اتاپ ءوتتى Bloomberg. سوڭعى ءبىر اپتانىڭ ىشىندە ا ق ش- تا مۇناي قورى 384,1 ميلليون باررەلگە دەيىن ارتتى.

Bank of America Merrill Lynch ساراپشىلارى ەڭ قيىن كەزدەردە Brent ماركالى مۇنايدىڭ ءبىر باررەلى $40 دەيىن ارزاندايدى دەپ سانايدى. ال امەريكاندىق ساراپشىلاردىڭ ايتۋىنشا، WTI مۇنايىنىڭ ءبىر باررەلى $35 دەيىن تومەندەيدى. باعانىڭ تومەندەۋى سالدارىنان ساۋد ارابياسى نەمەسە و پ ە ك قۇرامىنا كىرمەيتىن ەلدەر مۇناي ءوندىرۋ كولەمىن قىسقارتۋعا ءماجبۇر بولادى، دەلىنگەن ساراپشىلىق حابارلامادا.

 جۋىردا ساۋد ارابياسى كورولىنىڭ نەمەرەسى جانە اتاقتى اراب ينۆەستورلارىنىڭ ءبىرى حانزادا ءال- ۆاليد يبن تالال ءال ساۋد USA Today جۋرناليستەرىنە بەرگەن سۇحباتىندا مۇناي باررەلىنىڭ باعاسى $100 دەڭگەيىنە كوتەرىلەتىنىن جوققا شىعاردى. مۇنايدى ءوندىرۋ كولەمى قازىرگى دەڭگەيدە، ال سۇرانىس وسىلايشا از بولسا، وندا مۇناي ءارى قاراي ارزاندايدى، دەدى حانزادا. ءوندىرىس كولەمىن ازايتىپ، سۇرانىس ارتسا، وندا قىمباتتايدى، الايدا ءبىر باررەلىنىڭ قۇنى $100 دەيىن جەتپەيدى، دەپ قوستى ول.

«ەندى مۇنايدىڭ باعاسى ەش ۋاقىتتا $100 دەيىن كوتەرىلمەيدى دەپ ويلايمىن»، - دەدى ساۋد حانزاداسى ءبىر جىل بۇرىن ايتقان ءسوزىن ەسكە سالىپ، دەپ جازدى ر ب ك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى