ورال قالاسىنىڭ اۋماعى 4767 گەكتارعا ۇلعايىپ، شاھار حالقى 350 مىڭعا كوبەيمەك

قالا اكىمىنىڭ ورىنباسارى عالىم ورىنعاليەۆتىڭ ايتۋىنشا، بۇدان بۇرىنعى باس جوسپار ۇكىمەت قاۋلىسىمەن 2005-جىلعى 10- اقپاندا بەكىتىلىپ، 2015-جىلعا دەيىنگى كەزەڭدى قامتىعان بولاتىن. سوندىقتان، ونىڭ مەرزىمى اياقتالۋىنا بايلانىستى قالانىڭ الەۋمەتتىك-ەكونوميكالىق دامۋىن ەسكەرە وتىرىپ، جاڭا باس جوسپار جاسالدى. ەۋرازيالىق ەكونوميكالىق وداقتىڭ كۇشىنە ەنۋىنە بايلانىستى شەكارالىق ىنتىماقتاستىق ورال قالاسىنا تىڭ سەرپىن بەرمەكشى. بۇل رەتتە اتىراۋ، اقتوبە، سونداي-اق رەسەيدىڭ ساراتوۆ، سامارا، ورىنبور قالالارىمەن قولايلى اۆتوجول قاتىناسى بار ەكەندىگىن ايتا كەتكەن ءجون. الماتى-ماسكەۋ تەمىر جولى دا ورال ارقىلى وتەدى.

قازىرگى تاڭدا قالا اۋماعى - 20983 گەكتار، حالقى - 282 مىڭ، جالپى تۇرعىن ءۇي قورى - 4,374 ميلليون شارشى مەتر، كوشە مەن جولداردىڭ ۇزىندىعى - 582,2 ك م. 2030-جىلعا دەيىن جاڭا تۇرعىن ءۇي قۇرىلىسى كولەمى 3,9 ميلليون شارشى مەترگە، قالا اۋماعى 4767 گەكتارعا ۇلعايتىلىپ، 25750 گەكتارعا جەتپەكشى. قالا اۋماقتىق جاعىنان باتىس، وڭتۇستىك-باتىس جانە سولتۇستىك-شىعىس باعىتقا قاراي دامىماقشى. كولىك جولدارى ءوز الدىنا، شاعان وزەنى ارقىلى ءۇش، جايىق ارقىلى ەكى كوپىر جانە قوس تەمىرجول وتكەلى دە سالىنباق.

سونىمەن قاتار، سۋدى تاۋلىگىنە تۇتىنۋ مولشەرى قازىرگى 50,3 مىڭ تەكشە مەتردەن 2030-جىلعا قاراي 117,9 مىڭ تەكشە مەترگە، جىلۋ جۇكتەمەسى 701,29 مۆت- دان 1732,4 مۆت- عا، گازدىڭ جىلدىق شىعىنى 378 ميلليون تەكشە مەتردەن 562,98 ميلليون تەكشە مەترگە، ەلەكتر قۋاتىن تۇتىنۋ 65 مۆت- دان 167,54 مۆت- عا دەيىن جەتپەكشى.

2040-جىلعا دەيىن قالا حالقىن 400-450 مىڭعا دەيىن كوبەيتۋ كوزدەلۋدە.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى