دەنە سالماعى 470 كەلى بولعان مايرا ماقساتىنا قالاي جەتتى؟

سەمىزدىكتەن دارمەنسىز كۇيگە تۇسكەن مايرا سىرقاتىن ەڭسەرۋ جولىندا دەنەسىنىڭ %80 نان قۇتىلدى.

جۋىنۋ، ءجۇرىپ- تۇرۋ سەكىلدى تىرشىلىكتەردىڭ ءوزىن اتقارا المايتىنداي سەمىزدىككە شالدىققان بويجەتكەننىڭ قالايشا وزگەرگەنىن bigpicture.ru سايتى نازارعا سالدى.

مايرا روزالەستىڭ سالماعى 470 كەلى بولاتىن. مايلاردىڭ قاتپارىنان مايرانىڭ اياقتارى ادام شوشىرلىق كۇيگە جەتكەن.

مايرا كۇندەلىكتى تىرشىلىكتىڭ ءوزىن ورىنداۋعا قاۋقارسىز جاعدايدا ەدى.

قالاي دا ارىقتاۋ شەشىمىنە مايرانىڭ باسىنان وتكەن جانتۇرشىگەرلىك جاعداي سەبەپ بولعان. مايرانىڭ نەمەرە ءىنىسى اۋىر باس جاراقاتىمەن ەمحاناعا ءتۇسىپ كوز جۇمعان. مايرا بالانىڭ ءولىمى ءوزىنىڭ ونىڭ ۇستىنە ابايسىزدا قۇلاپ كەتۋىنەن بولدى دەپ پوليتسەيلەردى سەندىرۋگە تىرىسقان. الايدا ورنىنان تۇرا الماي جاتقان بويجەتكەن ولىمگە سەبەپ بولا المايتىنىن ۇققان ءتارتىپ ساقشىلارى وعان كىنالى دەپ تانىلعان بالانىڭ اناسىن، ياعني مايرانىڭ اپكەسىن قاماۋعا الادى.

اپكەسىنىڭ بالالارىنا ەندىگى باس- كوز بولاتىن ەشكىم جوقتىعىن تۇسىنگەن مايرا ارىقتاۋعا بار كۇشىن سالادى. مايرا قاتپار مايدىڭ اراسىندا كورىنبەيتىندەي كۇيگە تۇسكەن بولاتىن.

مايرا روزالەس ەڭ الدىمەن اۋىر وتادان ءوتۋى ءتيىس ەدى. ارىقتاۋ تۇگىلى قوزعالۋعا مۇرشا بەرمەيتىن مايلارىنان ول تەك وتا ارقىلى قۇتىلا الادى.

مايرانى ەمحاناعا جەتكىزۋ ءۇشىن ءبىر توپ ادام قاجەت بولدى. ول بىرنەشە اۋىر وتالاردان ءوتىپ، دەنەسىنىڭ جارتىسىن الىپ تاستاۋدىڭ اۋىرتپاشىلىقتارىنا توتەپ بەردى. بۇگىندە %80 عا ارىقتاعان بويجەتكەن تانىماستاي وزگەرگەن.

مايرا روزالەس وتا جاساۋعا بەل بۋدى.

وتا ءساتتى وتكەنىمەن، ونىڭ جاعدايى ءبىرقالىپتى كۇيگە ءتۇسۋى ءۇشىن ءبىرتالاي ۋاقىت كەرەك بولدى. پاتولوگيالىق سەمىرۋگە شالدىققاندار وتادان كەيىن قايتا سەمىرە باستاۋى عاجاپ ەمەس. سول ءۇشىن مايرا بارىنشا ءوزىن قولعا الۋى ءتيىس ەدى.

نەمەرە ىنىلەرى ءۇشىن مايرا وتادان كەيىن ازا تۇسۋگە بار كۇشىن جۇمسايدى.

مايرا وتادان كەيىن تۇراقتى فيزيكالىق جاتتىعۋلار جاساپ ءجۇردى.

شىدامدىلىعىنىڭ ارقاسىندا دەنى ساۋ ادامدار قاتارىنا قوسىلدى.

 بۇگىندە مايرانىڭ سالماعى 91 كەلى. ول بىرنەشە تەلەۆيزيالىق شوۋلاردا ءوز جەتىستىگىنىڭ سىرىمەن ءبولىستى. مايرا بۇرىنعى قالپىنا قايتىپ تۇسپەيتىنىنە سەنىمدى.

NUR. KZ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى