قاڭتار وقيعاسى بويىنشا تەرروريزم بابىمەن 46 ادام كۇدىكتەلىپ وتىر
«قازىرگى كەزدە تەرروريزم بابى بويىنشا ەكى ءىس قارالىپ جاتىر. 24 ۇيىمداسقان توپتىڭ مۇشەلەرى قىلمىستىق جاۋاپكەرشىلىككە تارتىلۋدا. ال تەرروريزم بويىنشا 46 ادام كۇدىككە ءىلىندى»، - دەدى ءا. شىنداليەۆ سەناتتا تىلشىلەر ساۋالىنا جاۋاپ بەرە وتىرىپ.
سونىمەن قاتار ول قاڭتار وقيعاسى كەزىندە قىلمىس جاساعان ادامداردىڭ اراسىندا باسقا ەلدەردىڭ ازاماتتارى بولعانىن اتاپ ءوتتى. دەگەنمەن باس پروكۋروردىڭ ورىنباسارى ولار قاي مەملەكەتتەردەن كەلگەنىن ناقتى ايتا المادى.
بۇدان بۇرىن حابارلانعانداي، قاڭتار وقيعاسىنا قاتىستى 20 عا جۋىق ادام جاپپاي تارتىپسىزدىكتى ۇيىمداستىرۋشى رەتىندە كۇدىككە ءىلىندى.
سونىمەن قاتار قاڭتار وقيعاسى كەزىندە زاڭ بۇزعان قۇقىق قورعاۋ ورگاندارى قىزمەتكەرلەرىنىڭ تەك بىرەۋىنە راقىمشىلىق جاسالاتىنى ءمالىم بولدى.
بۇگىن سەناتتىڭ جالپى وتىرىسىندا «راقىمشىلىق جاساۋ تۋرالى» زاڭ قابىلداندى.
