قىزىلوردادا 46 ادام كوروناۆيرۋس جۇقتىرعان اۋىلداعى بلوكپوستى الىپ تاستاۋعا ءالى ەرتە - اكىمدىك
بۇل جونىندە وبلىس اكىمىنىڭ ورىنباسارى ناۋرىزباي بايقاداموۆ ءمالىم ەتتى، دەپ حابارلايدى قازاقپارات ءتىلشىسى.
بۇگىنگە دەيىن شيەلى اۋدانىندا 66 ناۋقاس تىركەلگەن. ونىڭ 46 ى توڭكەرىس اۋىلدىق وكرۋگىنىڭ تۇرعىندارى. اۋىلدا ۆيرۋس قاۋپى ءالى دە سەيىلە قويعان جوق. سوندىقتان كىرە بەرىس بلوك - پوستتى الىپ تاستاۋعا ءالى ەرتە.
«توڭكەرىس اۋىلى تۇرعىندارىنىڭ 1,4 پايىزى كوروناۆيرۋس ينفەكتسياسىن جۇقتىرعان. ەكى-ءۇش كۇن بۇرىن كەيبىر رەسپۋبليكالىق تەلەارنالاردا توڭكەرىس اۋىلدىق وكرۋگىنىڭ تۇرعىندارىنىڭ توتەنشە جاعدايعا بايلانىستى قويىلعان بلوكپوست جۇمىسىن توقتاتۋ تۋرالى تالابى كورسەتىلدى. وندا سۇحبات بەرگەن تۇرعىندار اۋىلدا ازىق-تۇلىك باعاسى كوتەرىلگەنىن، كارانتين تالابىنا سايكەس اۋىلدان شىعا الماي قالعاندىعىن ايتقان. قازىر اۋىلدىق وكرۋگ تۇرعىندارىنىڭ سۇرانىسى بويىنشا ازىق-تۇلىك تاۋارلارى، 300 گاز باللونى، 20 توننا جەم كىدىرىسسىز جەتكىزىلدى. ازىق-تۇلىك ساتاتىن كاسىپكەرلەرگە ارنايى حات بەرىلدى. وندا شەكتى باعانىڭ تۇراقتىلىعىن ساقتاۋ تاپسىرىلدى. ول جەرگىلىكتى بيلىك وكىلدەرى، قوعامدىق ۇيىمدار تاراپىنان باقىلاندى. كۇندەلىكتى قولدانىستاعى 9 ازىق-تۇلىك تاۋارىنىڭ بەلگىلەنگەن باعاسى وسكەن جوق. حالىق تۇتىناتىن تاۋارلاردىڭ باعاسىنا تەك جول شىعىنى عانا قوسىلدى»، - دەدى وبلىس اكىمىنىڭ ورىنباسارى ناۋرىزباي بايقاداموۆ.
توڭكەرىس اۋىلدىق وكرۋگىنىڭ كىرە بەرىس بلوكپوستى 30- ناۋرىزدا قويىلعان.
وبلىس اكىمى ورىنباسارىنىڭ ايتۋىنشا، كارانتيندىك شەكتەۋلەر ەپيدەميولوگيالىق جاعدايعا سايكەس بىرتىندەپ الىنادى.
قازىر قىزىلوردا وبلىسىندا كوروناۆيرۋس ينفەكتسياسى دياگنوزى قويىلعان 232 ادام بار . ونىڭ 188 ءى سىرقاتىنان ايىعىپ شىقتى.
