فرانسيادا 45 مىڭ پوليتسەي ءتارتىپتى قامتاماسىز ەتۋدە - فوتو

ءى ءى م باسشىسى جەكسەنبى كۇنى جينالىس وتكىزىپ، ونىڭ ناتيجەسىمەن پوليتسەيلەردىڭ ۇلكەن كۇشىمەن ءتارتىپ ساقتاۋدى جالعاستىرۋ شەشىمى قابىلداندى.

وسى كەزدەسۋ بارىسىندا ىشكى ىستەر ءمينيسترى «قاتاڭدىق» تۋرالى بۇيرىقتى قايتالاپ، ءتارتىپ بۇزۋشىلاردى قاماۋعا الۋ «نەعۇرلىم جىلدام» جۇرگىزىلىپ وتىرۋىن تالاپ ەتتى.

بۇعان دەيىن ءىىم باسشىسى ج. دارمانين «كەلەسى جولى پوليتسەيگە نەمەسە جاندارمعا بىرەۋ تيىسسە، ول ىزدەپ-تابىلاتىنىن جانە قاتاڭ جاۋاپقا ءتارتىلاتىنىنى» مالىمدەدى.

ەسكە سالايىق، فرانسيادا نارازىلىقتار وتكەن اپتانىڭ باسىندا الجير تۋماسى 17 جاستاعى ناحەل مەرزۋكتى پوليتسيا قىزمەتكەرى اتىپ ولتىرگەننەن كەيىن باستالدى. جاس جىگىتتىڭ ءولىمى فرانسيانىڭ مارگينالدى قاۋىمداستىقتارىنداعى پوليتسيا جۇمىسى تۋرالى پىكىرتالاستى قايتا جانداندىرىپ، ناسىلدىك قاتىناس كىسى ءولتىرۋ فاكتورىنا اينالدى ما دەگەن سۇراقتار تۋعىزدى.

كەشە، جەكسەنبى كۇنى فرانسيانىڭ ۆال- دە-مارن دەپارتامەنتىندەگى ل'اي-لە-روز قالاسىنىڭ مەرى ۆينسەنت جانبرۋن ۇيىنە شابۋىل جاسالعانىن مالىمدەپ، مۇنى ەلدەگى تارتىپسىزدىكتەر اياسىندا ءوز وتباسىن «ءولتىرۋ ارەكەتى» دەپ اتاعان بولاتىن.

ەلدىڭ ىشكى ىستەر مينيسترلىگىنىڭ الدىن الا مالىمەتى بويىنشا، 700 دەن استام ادام قاماۋعا الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى