بانگلادەشتەگى وقىس وقيعادان 45 ادام كوز جۇمدى
قازا تاپقانداردىڭ اراسىندا ءورت سوندىرۋشىلەر دە بار. تاعى 150-دەن استام ادام ءتۇرلى جاراقاتپەن اۋرۋحاناعا تۇسكەن. پوليتسيا قىزمەتكەرلەرىنىڭ مالىمەتى بويىنشا الدىمەن حيميالىق زاتقا تولى كونتەينەردە ءورت شىعىپ، سوڭى جارىلىسقا ۇلاستى.
ۋلى زاتتاردىڭ تەڭىزگە توگىلمەۋى ءۇشىن وقيعا ورنىنا اسكەريلەر تارتىلدى. اپاتتىڭ سەبەبىن انىقتاۋ ءۇشىن تەرگەۋ ءىسى جالعاسۋدا.
اقپارات قۇرالدارى بۇل جەردە 5 مىڭعا جۋىق كونتەينەر بولعانىن ايتادى. جەرگىلىكتى بيلىك مەرت بولعانداردىڭ وتباسىلارىنا قارجىلاي كومەك كورسەتىلەتىنىن حابارلادى.
