توكيو وليمپياداسىنىڭ 45-جولداماسى قورجىنعا ءتۇستى

حالىقارالىق سەمسەرلەسۋ فەدەراتسياسى (FIE) بەكىتكەن وليمپياداعا ىرىكتەۋ ەرەجەسى بويىنشا، ءاربىر قارۋ تۇرىنەن 8 كوماندا جولداماعا ىلىگەدى. ونىڭ ىشىندە 4 كوماندا FIE رەيتينگتى بويىنشا جوعارى ورنالاسقانى ءۇشىن ليتسەنزيا الادى، ال 5-16- ورىنداعى كوماندالار ىشىنەن ءوز قۇرلىقتارىندا (ەۋروپا، امەريكا، افريكا، ازيا/وكەانيا) ۇزدىك اتانعاندار وليمپياداعا اتتانادى.

جەكەلەي سىندا كوماندالىق تۋرنير ارقىلى جولداما العان كوماندالاردان 24 سپورتشى باق سىنايدى. كوماندالىق تۋرنيردە سىنعا تۇسپەيتىن اتلەتتەر اراسىنان FIE رەيتينگىندەگى ۇزدىك 6 سپورتشى ليتسەنزيا يەگەرى اتانادى. بۇل جولدامالار سپورتشىلاردىڭ گەوگرافيالىق ايماعى ارقىلى بولىنەدى.

ياعني، ازيا-وكەانيا ايماعىنان ەكى، ەۋروپادان ەكى، امەريكا مەن افريكادان ءبىر- ءبىر سپورتشىدان توكيو ويىندارىنا ليتسەنزيا يەلەنەدى. قالعان ءتورت جولداما قۇرلىقتىق ىرىكتەۋ سىندارىندا تاراتىلىپ، وليمپيادا ويىندارىندا جالپى ەسەبى 34 سپورتشى سىنعا تۇسەدى.

حالىقارالىق سەمسەرلەسۋ فەدەراتسياسىنىڭ (FIE) رەيتينگى بويىنشا، وليمپياداعا تىكەلەي جولداما العان التى سپورتشى بەلگىلى. ولار - رۋسلان كۋربانوۆ (قازاقستان) ، ماسارا يامادا (جاپونيا) ، گەرگەي شيكلوشي (ۆەنگريا)، باس ۆەرۆيلەن (نيدەرلاند)، گاسكون رۋبەن ليماردو (ۆەنەسۋەلا)، مۋسسام ەلكورد (ماروككو).

وسىلايشا قازاقستان كومانداسىنىڭ قورجىنىنداعى ليتسەنزيالار سانى 45 كە جەتتى. وسىدان ءۇش كۇن بۇرىن ۇستەل تەننيسىنەن اناستاسيا لاۆروۆا جولداماعا قول جەتكىزگەن بولاتىن.

ايتا كەتەلىك، رۋسلان كۋربانوۆ 1991-جىلى 17- قىركۇيەكتە وسكەمەن قالاسىندا دۇنيەگە كەلگەن. سەمسەرلەسۋدەن ازيا چەمپيوناتىنىڭ قولا جۇلدەگەرى، 2013-جىلعى ۋنيۆەرسيادا ويىندارىنىڭ كۇمىس جۇلدەگەرى. سونداي-اق، الەم كۋبوگى كەزەڭدەرىندە بىرنەشە رەت جۇلدەگەرلەر قاتارىنان كورىنگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى