شىمكەنتتە اۋا تەمپەراتۋراسى 45 گرادۋسقا جەتتى

قالا تۇرعىندارى اپتاپ ىستىقتان قورعانۋدىڭ ءتۇرلى ادىستەرىن پايدالانۋدا. ءبىرى مي قايناتار ىستىقتان قولشاتىردىڭ استىندا تىعىلسا، كەيبىرەۋلەر مۇزداي سۋسىندار ءىشىپ، قالاداعى سۋبۇرقاقتارعا شومىلىپ جاتىر.

 اۋا تەمپەراتۋراسىنىڭ جوعارىلاۋى سالدارىنان اۋرۋحاناعا حابارلاسىپ جاتقان ادامداردىڭ دا سانى كۇرت ءوستى. وتكەن اپتادا وڭىردەگى تەرمومەتر باعانى 35-37 گرادۋستى كورسەتىپ تۇرعان كەزدە جەدەل جاردەم ستانسالارى قالىپتى تۇردە جۇمىس جاساعان. ال بۇل كۇندەرى كۇشەيتىلگەن رەجىمدە قىزمەت كورسەتۋگە ءماجبۇر.

«تاۋلىگىنە 1800 قوڭىراۋ تۇسەدى. ناۋقاستار تۇماۋ مەن جەدەل رەسپيراتورلى ۆيرۋستىق ينفەكسيادان كۇدىكتەنىپ حابارلاسىپ جاتادى، ال كەيبىر تۇرعىنداردىڭ قان قىسىمى جوعارىلاپ كەتكەن. ءبىز دەر كەزىندە، تولىقتاي كومەك كورسەتۋگە تىرىسىپ جاتىرمىز»، - دەدى وبلىستىق دەنساۋلىق ساقتاۋ باسقارماسىنداعىلار.

سينوپتيكتەردىڭ مالىمەتىنشە، اپتاپ ىستىق ءبىر- ەكى كۇننىڭ ىشىندە باسىلاتىن بولادى.

«شىمكەنتتە بۇگىن جانە ەرتەڭ 40-45 گرادۋسقا دەيىن كۇن ىسيدى. ارعى كۇنى 36-38 گرادۋسقا تۇسەدى. ءدال وسىنداي اۋا تەمپەراتۋراسى 15 - شىلدەگە دەيىن ساقتالادى»، - دەپ ەسكەرتتى «قازگيدرومەت» ا ق- نىڭ وڭتۇستىك قازاقستان وبلىسى بويىنشا فيليالىنىڭ وكىلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى