سۋدانداعى قارۋلى قاقتىعىستاردان قازا بولعاندار سانى 459 ادامعا جەتتى

بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ وكىلى مالىمدەدى، دەپ حابارلايدى قازاقپارات ت ا س س اقپارات اگەنتتىگىنە سىلتەمە جاساپ.

«قاقتىعىستاردا 459 ادام قازا تاپتى، 4075 ادام جاراقات الدى، مەنىڭ ويىمشا، ولاردىڭ ناقتى سانى الدەقايدا كوپ»، - دەپ كەلتىرەدى Al Jazeera ۇيىم وكىلىنىڭ سوزدەرىنەن.

سۋداندا ارميا مەن جەدەل ارەكەت ەتۋ كۇشتەرى اراسىنداعى قاقتىعىس ەكىنشى اپتاعا سوزىلدى. حارتۋم تۇرعىندارى سوعىس ءجۇرىپ جاتقان ايماقتاردا تۇرىپ جاتىر، سەبەبى اسكەري شتاب پەن پرەزيدەنت سارايى سياقتى ءبىرقاتار نىسان تۇرعىن ۇيلەرگە جاقىن ورنالاسقان. كوپتەگەن وتباسىلار جارىقسىز، سۋسىز قالدى. تۇرعىندار ۇيلەرىنەن ازىق- تۇلىك پەن سۋ الۋ ءۇشىن نەمەسە قالادان قاشۋ ءۇشىن عانا شىعادى.

بۇعان دەيىن سۋداننىڭ ازاماتتىق اۆياتسيا باسقارماسى ەلدىڭ اۋە كەڭىستىگىن 30 -ساۋىرگە دەيىن جابۋدى بۇيىرعان بولاتىن. ءبىرقاتار الەمدىك كوشباسشى سۋدانداعى قاقتىعىسقا قاتىسۋشى تاراپتاردى جۇما كۇنى باستالعان يد ءال- فيتر (ورازا ايت) كەزىندە اتىستى توقتاتۋ رەجيمىن ۇستانۋعا شاقىردى. بۇۇ باس حاتشىسى انتونيۋ گۋتەرريش تە بەيبىت تۇرعىندارعا ءقاۋىپسىز جەتۋگە مۇمكىندىك بەرۋگە ۇندەدى.

بۇعان دەيىن قازاقستاننىڭ سۋداننان ءوز ازاماتتارىن قاۋىپسىز جەرگە ەۆاكۋاتسيالاعانى تۋرالى حابارلانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى