پان گي مۋن: جەرورتا تەڭىزىندە اي سايىن 450 گە جۋىق ميگرانت اجال قۇشادى
بۇل جانتۇرشىگەرلىك مالىمەتتى گرەكيادا وتكەن باسپا ءسوز ءماسليحاتى كەزىندە ب ۇ ۇ- نىڭ باس حاتشىسى جاريا ەتتى، دەپ حابارلادى www.24.kz.
پان گي مۋن پرەمەر- مينيستر الەكسيس سيپراسپەن كەزدەسىپ، ەللادا ەلىنىڭ بوسقىندارعا كورسەتىپ وتىرعان كومەگىن ايرىقشا اتاپ ءوتتى.
- ەكونوميكالىق قيىندىقتارىنا قاراماستان، گرەكيا بيلىگى مەن حالقى ميگرانتتارعا قايىرىمدىلىق تانىتىپ، قانشاما ادامنىڭ ءومىرىن ساقتاپ قالىپ جاتىر. مەملەكەت كوشى- قون داعدارىسىن ءوز بەتىنشە شەشۋگە قاۋقارسىز. سوندىقتان وعان حالىقارالىق قاۋىمداستىق تاراپىنان ۇلكەن كومەك كورسەتىلۋى ءتيىس. ب ۇ ۇ- نىڭ باس حاتشىسى: پان گي مۋن،
ب ۇ ۇ باس حاتشىسىنىڭ گرەكياعا ساپارى 20 -ماۋسىمدا اتاپ وتىلەتىن دۇنيەجۇزىلىك بوسقىندار كۇنىنە ورايلاستىرىلىپ وتىر. وسى رەتتە پان گي مۋن ەللادا ەلىنىڭ پرەزيدەنتى جانە پرەمەر- مينيسترىمەن كەزدەسۋدەن كەيىن، لەسبوس ارالىنداعى ميگرانتتار لاگەرىنە بارىپ قايتتى. جىل باسىنان بەرى مەملەكەت شەكاراسىن اسقان 150 مىڭنان استام ميگرانتتىڭ دەنى ءدال وسى ارالعا كەلگەن ەكەن.
