كوشى-قون زاڭناماسىن بۇزعان 450 دەن استام شەتەلدىك جاۋاپكەرشىلىككە تارتىلدى
«ق ر ءى ءى م كولىكتەگى ىشكى ىستەر دەپارتامەنتىنىڭ كوشى-قون پوليتسياسى باسقارماسى مەن ونىڭ جەلىلىك بولىمشەلەرىندە وسى جىلدىڭ 1-توقسانىندا ق ر كوشى- قون زاڭناماسىن بۇزۋعا جول بەرمەۋ جانە انىقتاۋ ماقساتىندا دەپارتامەنتتىڭ قىزمەت كورسەتۋ اۋماعىندا كوشى-قون پروتسەستەرىن باقىلاۋدى قاماتاماسىز ەتۋگە باعىتتالعان ءبىرقاتار شارا جۇزەگە اسىرىلدى»، - دەدى كوشى-قون پوليتسياسى باسقارماسىنىڭ باسشىسى عاني شىمىربايەۆ.
كولىكتەگى ءى ءى د باسپا ءسوز قىزمەتىنىڭ مالىمەتىنشە، جىل باسىنان بەرى كوشى- قون زاڭىن بۇزۋ بويىنشا 12 قىلمىستىق ءىس قوزعالدى، ونىڭ -7 ەۋى ق ر مەملەكەتتىك شەكاراسىن قاساقانا زاڭسىز كەسىپ وتۋگە (ق ر ق ك 392-بابى)، 4 ۋى ق ر اۋماعىنان تىسقارى شىعارىپ جىبەرۋ تۋرالى سوتتىڭ شەشىمىن ورىنداماۋعا (ق ر ق ك 393-بابى)، 1 ەۋى زاڭسىز كوشى-قون ۇيىمداستىرۋعا (ق ر ق ك 394-بابى) قاتىستى.
ع. شىمىربايەۆتىڭ ايتۋىنشا، وسى جىلدىڭ 3 ايىندا قازاقستان رەسپۋبليكاسىندا شەتەلدىكتەردىڭ بولۋ قاعيدالارىن بۇزعان 457 شەتەلدىك اكىمشىلىك جاۋاپكەرشىلىككە تارتىلعان، ونىڭ 382 ت م د ازاماتتارى، 75 ى - قيىر شەتەل ازاماتتارى.
سونداي-اق، سوت قاۋلىسىمەن 64 قۇقىق بۋزۋشى ق ر اۋماعىنان تىسقارى شىعارىلدى.
سونىمەن قاتار قابىلداۋ-ءبولۋ مەكەمەسىنە قۇجاتسىز جۇرگەن تۇرعىلىقتى مەكەن-جايى بەلگىسىز 126 ازامات جەتكىزىلدى، ونىڭ 44 ى - ق ر ازاماتى، 82 ى - ت م د ەلدەرىنىڭ ازاماتتارى.
دەپارتامەنتتىڭ قىزمەت كورسەتۋ اۋماعىندا قۇقىقتىق ءتارتىپتى قامتاماسىز ەتىپ، ق ر كوشى-قون زاڭناماسىن بۇزۋعا جول بەرمەۋ جانە زاڭسىز كوشى-قون ارنالارى مەن ولاردى ۇيىمداستىرۋشىلاردىڭ جولىن كەسۋ ماقساتىندا جاقىندا «زاڭسىز كەلۋشى» جەدەل-الدىن الۋ شاراسىن وتكىزۋ جوسپارلانۋدا.
