استاناداعى جارمەڭكەگە الماتى وبلىسىنان 450 مىڭ توننا اۋىلشارۋاشىلىق ونىمدەرى اكەلىنەدى
دەپ حابارلايدى ەلوردا اكىمدىگىنىڭ باسپا ءسوز قىزمەتى.
20 - قىركۇيەك كۇنى استانادا الماتى وبلىسىنىڭ اۋىلشارۋاشىلىق جارمەڭكەسى وتكىزىلەدى. وعان جەتىسۋ ءوڭىرىنىڭ 19 اۋدانى مەن قالالارىنان كەلگەن اۋىلشارۋاشىلىق ونىمدەرىن وندىرۋشىلەر قاتىسادى.
استانالىقتار مەن قالا قوناقتارى ءۇشىن 50 دەن استام ءونىم تۇرلەرى قالاداعى بازار باعاسىنان 10-20 پايىز تومەن باعاعا ساتىلادى.
جارمەڭكە كۇندەرى تۇتىنۋشىلارعا جالپى 450 توننا اۋىلشارۋاشىلىق ونىمدەرى، سونىڭ ىشىندە 15 توننا قوي ەتى، 16 توننا سيىر ەتى، 14 توننا جىلقى ەتى، 6 توننا قۇس ەتى، 12 توننا بالىق، 18,2 توننا ءسۇت ونىمدەرى، 52 توننا كارتوپ، 194 توننا كوكونىس، 12 توننا جەمىس- جيدەك، 70 توننا ت. ب. تاۋارلار ۇسىنىلادى.
اتاپ ءوتۋ كەرەك، استانادا ايماقتاردىڭ اۋىلشارۋاشىلىق جارمەڭكەلەرى وسىمەن 5- جىل وتكىزىلىپ كەلەدى.
ەستەرىڭىزگە سالا كەتەيىك، بىلتىرعى جىلى استانادا ۇيىمداستىرىلعان جارمەڭكەدە الماتى وبلىسىنىڭ وكىلدەرى 400 توننادان استام ءونىم ۇسىنعان بولاتىن. سول جىلى جەتىسۋلىقتار تاماق ونىمدەرىنىڭ 24 ءتۇرىن، اتاپ ايتقاندا 193 توننا كوكونىس، 110 توننا پياز، 50 توننادان استام الما، 17 تونناعا جۋىق كۇرىش، 7 تونناداي بالىق، 3 توننا بال، سونداي- اق 60 توننادان استام ەت جانە ت. ب. كوپتەگەن ءونىم تۇرلەرىن اكەلگەن بولاتىن.
