الەمدىك رەكورد: فۋتبولشى 45 مينۋت 5 سەكۋند بويى دوپتىڭ قۇلاۋىنا مۇمكىندىك بەرمەدى

ول وتىرعان كۇيدە دوپتى باسىمەن سوعىپ 43 مينۋت 5 سەكۋند بويى قۇلاتپاي ۇستاپ تۇرعان.

بۇل جايلى كۋبا تەلەارناسى ءمالىم ەتتى.

ەرناندەس دوپ سوعۋدىڭ بۇل تۇرىندەگى رەكوردتى بۇعان دەيىن 2016-جىلدىڭ 15- قازانىندا جاساعان بولاتىن. ول كەزدە دوپتى اۋادا 42 مينۋت 2 سەكۋند بويى ۇستاپ تۇرعان. ەرناندەستىڭ ەكى جەتىستىگى گيننەستىڭ رەكوردتار كىتابىنا ەنگىزىلدى.

ءبىر مينۋت ىشىندە ول دوپتى باسىمەن 319 رەت، ال، 1 ساعات 28 مينۋت بويى تەك جامباسىمەن سوقتى.

سپورتشىنىڭ وزگە دە قىزىقتى جەتىستىكتەرى بارشىلىق. ماسەلەن، دوپتى سوعا وتىرىپ، 17,83 سەكۋند ىشىندە ءجۇز مەتردەن جۇگىرىپ وتسە، 7 ساعات 17 مينۋت ىشىندە مارافوندىق قاشىقتىقتى ەڭسەردى، سونداي-اق، 19 ساعات 10 مينۋت بويى دەنەسىنىڭ بارلىق بولىگىمەن دوپتى سوعا وتىرىپ، قۇلاتپاي ۇستاپ تۇرعان.

ەرناندەس بيىلعى جىلى دوپ سوعۋ بويىنشا تاعى ەكى رەكورد جاڭارتاتىندىعىن ايتتى. الايدا، بۇل جولى قانداي ونەر كورسەتەتىندىگى ازىرگە قۇپيا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى