بيىل قوستاناي وبلىسىنا وڭتۇستىكتەن 445 ادام كوشىپ كەلەدى
تۇرعىندار تىعىز ورنالاسقان ايماقتاردان جۇمىس كۇشى از وڭىرلەرگە ازاماتتاردى كوشىرۋ جۇمىسى بيىل دا جالعاسادى. وسى جىلى قوستاناي وبلىسىنا 445 ادام قونىس اۋدارماق. الايدا ازىرگە ولاردىڭ ناقتى قانداي اۋدان-قالالارعا باراتىنى بەلگىسىز.
سەبەبى كوشىپ كەلۋشىلەردىڭ كۆوتاسى ءالى بەكىتىلگەن جوق. قوستاناي وبلىسىنىڭ اتقارۋشى بيلىگى قونىس اۋدارۋشىلارعا جان-جاقتى قولداۋ كورسەتەدى. الدىمەن، وتاعاسى مەن ءاربىر وتباسى مۇشەسىنە 35 ا ە ك (102 مىڭ تەڭگە) كولەمىندە سۋبسيديا قاراستىرىلعان. سونداي-اق جىل ىشىندە اي سايىن ولارعا تۇرعىن ءۇيدى جالعا الۋ جانە كوممۋنالدىق قىزمەتتەردى تولەۋ شىعىندارى وتەلەدى.
قالاعا كوشكەندەر ءۇشىن - وتباسىنداعى ادام سانىنا بايلانىستى 30 ا ە ك دەيىن (87 مىڭ 510 تەڭگە)، اۋىلداردا 21 ا ە ك دەيىن (61 مىڭ 257 تەڭگە) بەرىلەدى.
وڭىرگە كەلگەن ازاماتتارعا 525,1 مىڭنان 1,1 ميلليون تەڭگەگە دەيىن ءبىرجولعى قاراجات بەرىلەدى. بۇل قارجىنى تۇرعىن ءۇي ساتىپ الۋعا پايدالانۋعا قۇقىلى. باستى شارت - اكىمدىكپەن الدىن الا ساتۋ-ساتىپ الۋ شارتىن جاساۋ. كومەكتىڭ كەلەسى ءتۇرى - جۇمىس ماسەلەسى.
كوشىپ كەلۋشىلەرگە جەرگىلىكتى اكىمدىك تۇراقتى جۇمىس تاۋىپ بەرۋگە مىندەتتى. تىلەك بىلدىرۋشىلەر «باستاۋ-بيزنەس» جوباسى شەڭبەرىندە قايتا دايارلاۋ جانە وقىتۋ كۋرستارىنان وتە الادى، سونداي-اق ءوز ءىسىن اشۋعا گرانت الادى. سۋبسيديا قونىس اۋدارۋشى الەۋمەتتىك كەلىسىمشارتقا قول قويعاننان كەيىن عانا تولەنەدى.
قۇجاتتا ونىڭ جۇمىسقا ورنالاسۋى جانە ايماقتا 5 جىل تۇرۋى كەرەكتىگى جازىلعان. شارتتاردى ورىنداماعاندار تولەمدەردى تولىق كولەمدە قايتارۋى ءتيىس.
ايتا كەتەرلىگى، 2016-جىلى قوستانايعا باسقا وبلىستاردان - 19، 2017-جىلى 30 عانا وتباسى قونىس اۋدارعان. 2018-جىلى بۇل كورسەتكىش 10 ەسەگە ۇلعايدى. ال 2020-جىلى قوستاناي وبلىسى 272 وتباسىن قابىلدادى.
