قىزىلوردالىقتار ەلورداداعى جارمەڭكەگە 440 توننادان استام ونىمدەرىن اكەلدى - فوتورەپورتاج

جارمەڭكەگە ارال، قازالى، قارماقشى، جالاعاش، سىرداريا، شيەلى، جاڭاقورعان اۋداندارى مەن قىزىلوردا قالاسىنىڭ كاسىپكەرلەرى ءوز ونىمدەرىن اكەلگەن.

ساتىلىمعا 440 توننادان استام ءتۇرلى اۋىل شارۋاشىلىعى ونىمدەرى قويىلعان. ولاردىڭ باعاسى ەلوردا بازارلارىنداعى باعادان شامامەن 20 پايىزعا تومەن.

«قىزىلوردا وبلىسى جايىندا ءسوز قوزعاعاندا، ەڭ ءبىرىنشى ويىمىزعا كۇرەس تۇسەتىندىگى ءسوزسىز. ءبىز اعىمداعى جىلى كۇرىشتەن تاۋەلسىزدىك العان ساتتەن بەرگى رەكوردتىق ءونىم الدىق، گەكتارىنا 50 تسەنتنەردەن اينالدى»، - دەدى قازاقپارات تىلشىسىنە سۇحبات بەرگەن وبلىس اكىمىنىڭ ورىنباسارى سەرىك قوجانيازوۆ.

ايتا كەتەرلىگى، ءوڭىردىڭ شارۋا قوجالىقتارى جارمەڭكەگە 143 توننا كۇرىش، 25 توننا بالىق، 20 توننا ەت، 10 توننا تۇز سىندى 30 عا جۋىق ءونىم ءتۇرىن اكەلگەن.

بۇدان بولەك، ەلوردانىڭ باس الاڭىندا قىزىلوردا ءوڭىرىنىڭ شىعارماشىلىق ۇيىمدارى قالا تۇرعىندارىنىڭ نازارىنا كونتسەرتتىك باعدارلاما ۇسىنۋدا.

ايتا كەتەيىك، بۇل جارمەڭكەگە سونداي-اق سولتۇستىك قازاقستان وبلىسىنىڭ اۋىلشارۋاشىلىق ونىمدەرىنىڭ وندىرۋشىلەرى دە قاتىسىپ جاتىر.































 

 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى