قىتايمەن شەكاراداعى اۋىل جوعالىپ كەتۋ الدىندا تۇر. مەكتەپتە 43 بالا عانا قالعان - فوتو
بۇل جەردە جايلى ءومىر سۇرۋگە قاجەتتىڭ ءبارى بار: ءار ۇيگە سۋ تارتىلعان، كوپ كوشە اسفالتتالعان.
Tengrinews.kz تىلشىلەرى جامبىل اۋىلىن ارالاپ، جاستار جانە بالالارمەن اڭگىمەلەسىپ، جەرگىلىكتى مەكتەپتى كورىپ، تۇرعىندارمەن سويلەسىپ قايتتى. ءبىر قاراعاندا اۋىلدا ءومىر قىزىپ جاتقانداي كورىنەدى. ءبىراق اۋىلداعى حالىق سانى بىرتىندەپ ازايىپ جاتىر. تۇرعىنداردىڭ سوزىنشە، ماڭايداعى بىرنەشە اۋىل «جوعالىپ» كەتكەن. اۋىل تۇرعىندارى ەندىگى كەزەك ولارعا دا جەتتى مە دەپ قورقادى.
جامبىل شەكارادا ورنالاسقان - 100 شاقىرىمنان از جەردە قىتاي تۇر.
«راحمان قاينارىندا» بولعان قازاقستاندىقتار بۇل ولكە قانداي ادەمى ەكەنىن بىلەدى.
بۇل جەردى ءبىر رەت كوزىمەن كورگەن ادام پەيزاجدى كورىپ تاڭعالارى ءسوزسىز.
اۋىلعا ۇزىن كوپىر ارقىلى ءوتىپ ءبىراق كىرەمىز.
اۋىلعا كىرگەن بويدا كوزگە تۇسەتىنى - ۇلكەن مەكتەپ. فوتوداعى ەر ادام - جەرگىلىكتى تۇرعىن ايداربەك، ول جامبىل اۋىلىندا جۇمىسى بار تۇرعىنداردىڭ ءبىرى. قازىر ول مەكتەپ جانىنداعى باقشاعا كۇتىم جاسايدى.
مەكتەپتە بار-جوعى 43 وقۋشى عانا وقيدى. جىل سايىن ولاردىڭ دا سانى ازايىپ بارادى.
بۇل ۋاقىتتا جامبىلدا بالالار كوپ ءجۇردى.
ولاردىڭ ءبىرى جەرگىلىكتى تۇرعىندار بولسا، كوبى اۋىلعا اتا-اجەسىنە قوناققا كەلگەن قالالىق بالالار.
بالالار فۋتبول ويناپ، ۆەلوسيپەد تەۋىپ، اتقا ءمىنىپ، تاۋعا شىعىپ ۋاقىت وتكىزەدى.
بالالار جامبىلعا قۋانا كەلەتىنىن، ءتىپتى كۇنى بويى سمارتفون تۋرالى ۇمىتىپ كەتەتىنىن ايتادى.
بولاشاقتا جامبىل اۋىلىندا مۇلدە ادام قالماۋى مۇمكىن. بۇل تۋرالى جەرگىلىكتى تۇرعىنداردىڭ ءوزى ايتتى.
اۋىلداعى ادام سانىنىڭ ازايۋىنىڭ سەبەبى - اۋىلدا جۇمىس جوق جانە اۋىل اۋدان ورتالىعىنان ءبىرشاما الىس.
جاقىن ۋاقىتتا قاتون-قاراعاي اۋىلى اۋدان ورتالىعى بولۋى مۇمكىن. ول اۋىلدان 60 شاقىرىم جەردە.
قازىر جامبىلدا 324 ادام تۇرادى. 2009 -جىلى ادام سانى ەداۋىر كوپ بولاتىن. ال وتكەن عاسىردىڭ سوڭىندا ادام سانى مىڭعا ءسال عانا جەتپەيتىن.
ءبىر كەزدەرى دۇركىرەپ تۇرعان سوۆحوز قازىر جۇمىس ىستەمەيدى.
مارال شارۋاشىلىعى دا جابىلىپ قالعان. ءبىر كەزدەرى جەرگىلىكتى ونىمدەر كورەياعا جەتكىزىلەتىن.
كوپ ادام ءۇيىن تاستاپ كەتىپ قالعان.
جەكە ۇيلەردە جىلىنا توعىز اي پەش جاعۋعا تۋرا كەلەدى، سەبەبى جەرگىلىكتى ايماق سالقىن بولعاندىقتان ۇيلەردى جىلى ۇستاۋ قاجەت.
تۇرعىندار اۋىلدى تازا ۇستاۋعا تىرىسادى. كەيبىرى داربازاسىن ويۋمەن ادەمىلەپ قويعان.
ۇيلەردىڭ بىرىندە اۋلەت جينالىپ وتىر ەكەن. ولار قازاقستاننىڭ جان-جاعىنان كەلىپ، اتا- باباسىنىڭ رۋحىنا باعىشتاپ اس بەرىپ جاتىر ەكەن. تۇرعىندار قوناقجايلىلىق تانىتقان.
اۋىلدا ادام از بولعانىنا قاراماستان جەرگىلىكتى تۇرعىندار ءوزى تۋىپ وسكەن جەردى شەكسىز جاقسى كورەتىنى كورىنىپ تۇر.
جامبىل اۋىلى 1932 -جىلى قۇرىلعان. اۋىل ءوزىنىڭ 100 جىلدىعىن تويلاپ ۇلگەرەر مە ەكەن؟
اقپارات دەرەككوزى: massaget.kz
