مادەني ماماندىقتا وقيتىن 43 ستۋدەنتكە پرەزيدەنت ستيپەندياسى بەرىلەدى
مادەنيەت جانە سپورت مينيسترلىگى اشىق تالقىعا شىعارعان ستيپەنديا ءبولۋ تۋرالى بۇيرىقتا وسىلاي جازىلعان، دەپ حابارلايدى قازاقپارات ءتىلشىسى.
«ق ر پرەزيدەنتىنىڭ 2022-جىلعا ارنالعان ستيپەندياسى جوعارى وقۋ ورىندارىنا ءبولىنسىن. اتاپ ايتقاندا، قۇرمانعازى اتىنداعى قازاق ۇلتتىق كونسەرۆاتورياسىنا – 22، قازاق ۇلتتىق ونەر ۋنيۆەرسيتەتىنە – 15، تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنا - 6 ستيپەنديا ۇسىنىلادى. وسىلايشا، 2022-جىلعا ق ر پرەزيدەنتىنىڭ 43 ستيپەندياسى بەرىلەدى»، - دەپ كورسەتىلگەن قۇجاتتا.
قوسا كەتەيىك، كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن بيىل شەتەلدە ماگيستراتۋرا مەن رەزيدەنتۋرادا وقۋعا 385 ستيپەنديا ءبولىندى.
