بيىل قازاقستان مەن ەۋرووداق اراسىنداعى تاۋار اينالىمى 43 پايىز ارتتى – ق ر پرەزيدەنتى
بۇل تۋرالى بۇگىن اقوردادا ەۋروپالىق كەڭەستىڭ پرەزيدەنتى شارل ميشەلمەن كەلىسسوزدەردەن كەيىنگى باسپا سوزگە ارنالعان مالىمدەمە بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«قازىرگى تاڭدا ەۋروپالىق وداق قازاقستاننىڭ ەڭ ءىرى ساۋدا جانە ينۆەستيتسيالىق سەرىكتەستەرىنىڭ ءبىرى. 30 جىل ىشىندە قازاقستانعا ەۋروپادان تارتىلعان ينۆەستيتسيا كولەمى 160 ميلليارد دوللاردان استى. بيىلعى 8 ايدا قازاقستان مەن ەۋروپالىق وداق ەلدەرى اراسىنداعى تاۋار اينالىمى 43 پايىزعا ارتىپ، 26 ميلليارد دوللار بولدى»، - دەدى قاسىم-جومارت توقايەۆ.
مەملەكەت باسشىسى پرەزيدەنت شارل ميشەلمەن پىكىر الماسۋ كەزىندە ەنەرگەتيكا، جاسىل ەكونوميكا، اۋىل شارۋاشىلىعى، كولىك جانە لوگيستيكا سالالارىنداعى ىقپالداستىققا وڭ باعا بەرگەندىكتەرىن اتاپ ءوتتى.
«ءوزارا ءتيىمدى ءىس-ارەكەتىمىزدى ودان ارى كۇشەيتۋ ءۇشىن بىرلەسە كۇش-جىگەر جۇمىلدىرۋعا كەلىستىك. اسىرەسە، اسا ماڭىزدى شيكىزاتتى تاسىمالداۋ جانە جاسىل سۋتەگى ەنەرگەتيكاسىن دامىتۋ ماسەلەسىندە مول مۇمكىندىگىمىز بار»، - دەدى ق ر پرەزيدەنتى.
