الماتىدا پاتەرىن جالعا بەرۋشىلەر 43 ميلليون تەڭگە سالىق تولەدى
قالالىق مەملەكەتتىك كىرىستەر دەپارتامەنتىنىڭ باسپا ءسوز قىزمەتى تاراتقان اقپاراتقا سايكەس، مەكەمە ماماندارى قازىرگى تاڭدا ءۇيىن جالعا بەرەتىن تۇلعالاردى سالىق ورگاندارىندا تىركەۋ بويىنشا جۇمىستاردى بەلسەندى اتقارىپ كەلەدى.
«بۇگىندە ەسەپتە 1457 جالعا بەرۋشى تۇر. جۇرگىزىلگەن ءتۇسىندىرۋ جۇمىستارىنىڭ ارقاسىندا جىل باسىنان بەرى 2798 ادام ءوز ەركىمەن تىركەلدى. وسىلايشا بيىل جالپى 4255 ادام تىركەلدى. بۇل الدىڭعى جىلعا قاراعاندا 5 ەسە كوپ»، - دەدى دەپارتامەنت جەتەكشىسىنىڭ ورىنباسارى قانات بالتابەكوۆ.
دەپارتامەنت وكىلى اتالعان ساناتتاعى كاسىپكەرلەردى تىركەۋ پروتسەسى جەڭىلدەتىلگەنىن اتاپ ءوتتى. ول ءۇشىن تەك كاسىپكەرلىكتى باستاعانى جونىندە ح ق ك و- عا اقپارات بەرسە بولعانى. ولاردىڭ تابىسىنان 2 پايىزدان باستاپ سالىق تولەنەدى. ال جەكە كاسىپكەر رەتىندە تىركەلمەسە جىلدىق تابىسىنان 10 پايىز تولەۋگە ءماجبۇر بولادى.
