كوكشەتاۋدىڭ ىرگەسىندەگى اۋىلدى سۋ الىپ، 43 ادام قاۋىپسىز جەرگە كوشىرىلدى
ت ج د مالىمەتى بويىنشا توتەنشە جاعداي اعىمداعى جىلدىڭ 11- ساۋىرىندە تاڭعى 05:45 شاماسىندا زەرەندى اۋدانىنىڭ شاعالالى اۋىلىندا ورىن العان.
«شاعالالى وزەنىنىڭ سۋى كوتەرىلۋى سالدارىنان اۋىلداعى 4 ءۇي مەن 9 ءۇيدىڭ اۋلاسىن سۋ شايىپ كەتتى. وسىنىڭ سالدارىنان 43 ادام (ونىڭ ىشىندە 9 بالا) جانە 154 كە جۋىق ءۇي جانۋارلارى قاۋىپسىز جەرگە كوشىرىلدى. قازىرگى كەزدە سۋ سورۋ جۇمىستارىنا ت ج د جەكە قۇرامىنان 21 ادام جانە 9 تەحنيكا مەن 4 ءجۇزۋ قۇرالى، جەرگىلىكتى اتقارۋشى ورگانداردان 3 ادام جانە 1 تەحنيكا، جەرگىلىكتى پوليتسيا قىزمەتىنەن 4 ادام جانە 1 تەحنيكا جۇمىلدىرىلىپ، سۋ تاسقىنىنىڭ سالدارىن جويۋ شارالارىن جۇرگىزۋدە»، - دەپ ءتۇسىندىردى ت ج د باسپا ءسوز قىزمەتىنەن.
