ب ۇ ۇ: كۇن سايىن 43 مىڭ ادام بوسقىنعا اينالىپ وتىر

«2014-جىلدىڭ سوڭىندا الەمدە كۇشتەپ قونىس اۋدارعان ادامداردىڭ سانى 59,5 ميلليوندى قۇرادى. بۇل بۇگىندە ءاربىر 122- ادامنىڭ بوسقىن، امالسىز قونىس اۋدارعان نەمەسە پانا ىزدەپ جۇرگەن تۇلعا ەكەنىن بىلدىرەدى»، - دەپ حابارلادى باس حاتشى بوسقىندار كۇنىندە.

پان گي مۋننىڭ ايتۋىنشا، الەمدە بوسقىندار سانىنىڭ كۇن سايىن كوبەيۋى سيريا، يراك، ۋكراينا، وڭتۇستىك سۋدان، ورتالىق افريكا رەسپۋبليكاسى، نيگەريانىڭ سولتۇستىك شىعىسىندا، پاكىستاندا ورىن العان سوڭعى قاقتىعىستار سەبەپ بولىپ وتىر.

مالىمدەمەدە 2014-جىلى كۇن سايىن 42,5 مىڭ ادامنىڭ بوسقىن، ىشكى كوشى-قون نەمەسە پانا ىزدەپ جۇرگەن تۇلعاعا اينالعاندىعى جايلى ايتىلعان. «بۇل كورسەتكىش تەك سوڭعى ءتورت جىلدىڭ ىشىندە ءتورت ەسەگە ارتقان»، - دەلىنگەن باس حاتشىنىڭ جولداۋىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى