مەملەكەتتىك قىزمەتشىلەر وزدەرىنە تارتۋ ەتىلگەن 438 سىيلىقتى مەملەكەتكە تاپسىردى
«2022 -جىلى جانە 2023 -جىلدىڭ ءبىرىنشى جارتىجىلدىعىندا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل تۋرالى زاڭناماسىنا سايكەس وزىنە سىبايلاس جەمقورلىققا قارسى شەكتەۋلەردى قابىلدايتىن ادامدار كوميتەتتىڭ اۋماقتىق بولىمشەلەرىنە 438 دانا سىيلىقتى تاپسىردى. 438 سىيلىقتىڭ ىشىندە 188 سىيلىق اۋكتسيون ارقىلى ساتىلدى. اۋكسيون ارقىلى ساتىلعان ەڭ باعالى سىيلىق «ىphone 13» ماركالى تەلەفون 327079 تەڭگەگە ساۋدالاندى»، - دەپ اتاپ وتەدى قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتىنەن اگەنتتىكتىڭ رەسمي ساۋالىنا وراي.
ايتا كەتەيىك، مەملەكەتتىك قىزمەتشىلەرگە نەمەسە «سىبايلاس جەمقورلىققا قارسى ءىس- قيمىل تۋرالى» قازاقستان رەسپۋبليكاسىنىڭ زاڭىنا سايكەس وزىنە سىبايلاس جەمقورلىققا قارسى شەكتەۋلەر قابىلدايتىن وزگە دە ادامدارعا جانە ولاردىڭ وتباسى مۇشەلەرىنە حاتتامالىق جانە باسقا دا رەسمي ءىس- شارالار كەزىندە بەرىلگەن (تابىس ەتىلگەن) سىيلىقتار مەملەكەتكە بەرىلگەن سىيلىقتار بولىپ ەسەپتەلەدى. بۇل سىيلىقتار قازاقستان رەسپۋبليكاسىنىڭ زاڭناماسىندا ايقىندالعان تارتىپپەن جانە مەرزىمدەردە ولاردى مەملەكەتتىك مۇلىك جونىندەگى ۋاكىلەتتى ورگانعا وتەۋسىز بەرۋ ارقىلى مەملەكەتتىك مۇلىكتىڭ قۇرامىنا تۇسەدى. سىيلىقتاردى ساتۋدان تۇسكەن اقشا رەسپۋبليكالىق بيۋدجەتكە اۋدارىلادى.
