وسكەمەندە مەملەكەتكە 430 ميلليون تەڭگە سالىق تولەمەي قويعان ەكى ادام 5 جىلعا سوتتالدى
قارجى مونيتورينگى كوميتەتىنىڭ شىعىس قازاقستان وبلىسى بويىنشا ەكونوميكالىق تەرگەۋ دەپارتامەنتى ش ق و ەكى تۇرعىنىنا قاتىستى ءىرى كولەمدە بيۋدجەتكە سالىق تولەۋدەن جالتارۋ فاكتىسى بويىنشا تەرگەۋدى اياقتادى. تەرگەۋ بارىسىندا ولاردىڭ 2017 -2018 -جىلدار ارالىعىندا جالعان كاسىپورىنداردىڭ جالعان ەسەپشوتىن پايدالانا وتىرىپ، ق ق س سالىق اينالىمىن جانە ساتىپ الىناتىن تاۋار، جۇمىس جانە قىزمەتتەر ەسەبىنە جاتقىزىلاتىن سومانى تومەندەتۋ، دەكلاراتسيالارعا تابىستار مەن شىعىستار تۋرالى جالعان مالىمەتتەردى ەنگىزۋ، سالىق سالۋدىڭ باسقا وبەكتىلەرىن جاسىرۋ ارقىلى مەملەكەتكە 430 ميلليون تەڭگە كولەمىندە سالىق تولەمەگەنى انىقتالدى. وسكەمەن قالاسى №2 سوتىنىڭ ۇكىمىمەن ولار قىلمىستىق كودەكستىڭ 28-بابىنىڭ 2,3 - ب.، 245 - بابىنىڭ 1,3 بولىگىمەن كىنالى دەپ تانىلىپ، 5 جىلعا باس بوستاندىعىنان ايرىلدى.
سوتتىڭ شەشىمىمەن پروكۋروردىڭ مەملەكەتكە 430 ميلليون تەڭگە كولەمىندەگى شىعىندى ءوندىرىپ الۋ تۋرالى ازاماتتىق تالاپ ارىزى تولىعىمەن قاناعاتتاندىرىلدى.
اۆتور: اياۋلىم التىنبەك
