43 گرادۋس اپتاپ: ەرتەڭ ەلىمىزدىڭ 11 ايماعىندا كۇن ىسيدى
17-شىلدە تۇندە اتىراۋ وبلىسىندا كەي جەرلەردە نايزاعاي جارقىلدايدى. سولتۇستىكتەن جەل سوعادى، كۇشى - 15-20 م/س. وبلىستا جانە اتىراۋ قالاسىندا كۇندىز 34-39 گرادۋس ىستىق، وڭتۇستىكتە 42 گرادۋس جانە وتە جوعارى ءورت قاۋپى ساقتالادى.
17-شىلدە كۇندىز اقتوبە وبلىسىنىڭ كەي جەرلەرىندە كۇن كۇركىرەيدى، جەلدىڭ باعىتى وڭتۇستىك- شىعىستان سولتۇستىك- شىعىسقا اۋىسادى، نايزاعاي كەزىندە جەل ەكپىنى - 18 م/س.
17 -شىلدە ماڭعىستاۋ وبلىسىندا كەي جەرلەردە شاڭدى داۋىل سوعادى.
كۇندىز وبلىس بويىنشا 38-41 گرادۋس اپتاپ ىستىق ساقتالادى.
17-18-شىلدە كۇندىز تۇركىستان وبلىسىنىڭ باسىم بولىگىندە 40-43 گرادۋس قاتتى ىستىق بولادى. شىمكەنت قالاسىندا دا كۇندىز - 40 گرادۋس قاتتى ىستىق.
17-19-شىلدە قوستاناي وبلىسىندا 35-39 گرادۋس قاتتى ىستىق كۇتىلەدى.
ەرتەڭ اقمولا وبلىسىنىڭ كەي جەرلەرىندە سولتۇستىك- شىعىستان جانە شىعىستان جەل سوعادى، كۇشى - 15-20 م/س جەتەدى.
نۇر- سۇلتاندا سولتۇستىك- شىعىستان جانە شىعىستان كۇشتى جەل سوعادى، كۇندىز جەل ەكپىنى - 15-20 م/س .
17 - شىلدەدە قىزىلوردا وبلىسىندا سولتۇستىكتەن جانە سولتۇستىك- شىعىستان جەل سوعادى، جىلدامدىعى - 15-20 م/س. كۇندىز 40-41 گرادۋس اپتاپ ىستىق جانە وتە جوعارى ءورت قاۋپى ساقتالادى.
ەرتەڭ قاراعاندى وبلىسىندا سولتۇستىك- شىعىستان جەل سوعادى، كەي جەرلەردە جەل ەكپىنى 23 م/س دەيىن كۇشەيەدى جانە جوعارى ءورت قاۋپى ساقتالادى. جەزقازعاندا كۇندىز 36-38 گرادۋس ىستىق بولادى.
17-20 - شىلدە كۇندىز جامبىل وبلىسىندا كەي جەرلەردە 40°گرادۋسقا دەيىن اپتاپ كۇتىلەدى.
