توتەنشە جاعداي: تابىسىنان ايىرىلعاندارعا 42 مىڭ تەڭگەدەن بەرىلەدى

بۇل تۋرالى اقوردادا توتەنشە جاعداي جونىندەگى مەملەكەتتىك كوميسسيانىڭ وتىرىسىن وتكىزگەن قر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«كارانتين ەنگىزىلگەن كەزەڭدە تەك الماتىنىڭ وزىندە كاسىپورىنداردىڭ قىزمەتكەرلەر سانى جالپى 266 مىڭ ادامعا قىسقارادى. ءدال وسىنداي جاعداي جەكە كاسىپكەرلەردەن دە بايقالادى. ولاردىڭ 80 پايىزى ءوز قىزمەتتەرىن توقتاتتى. وسىلايشا، الدىن الا ەسەپتەۋلەرگە سايكەس، اعىمداعى جاعداي شامامەن 500 مىڭ ازاماتتىڭ قارجىلىق جاعدايىنا كەرى اسەرىن تيگىزدى. سوندىقتان توتەنشە جاعداي قولدانىستاعى كەزەڭدە توتەنشە جاعدايدىڭ ەنگىزىلۋىنە بايلانىستى تابىسىنان ايىرىلعان تۇلعالارعا اي سايىن ەڭ تومەنگى جالاقى مولشەرىندە (42500 تەڭگە) تولەم جاساي باستاۋدى تاپسىرامىن» ، - دەدى ق ر پرەزيدەنت. مەملەكەت باسشىسىنىڭ اتاپ وتۋىنشە، جالپى مۇنداي كومەك كەمىندە 1,5 ميلليوننان استام ادام الادى.

«قاجەت بولعان جاعدايدا سومانى ارتتىرۋعا، قامتۋعا جانە قولداۋ تۇرلەرىن كەڭەيتۋگە بارلىق رەزەرۆىمىز بار. مەملەكەتتىك كوميسسياعا تولەمدەردىڭ ءتيىمدى جانە اشىق تەتىگىن ازىرلەۋدى تاپسىرامىن» ، - دەدى قاسىم- جومارت توقايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى