بيىل ەلىمىزدە 42 جاڭا مەكتەپ سالۋعا بيۋدجەتتەن قاراجات قاراستىرىلادى - ب. سۇلتانوۆ

«بيۋدجەت شىعىستارى ىشىندە ءبىلىم جانە عىلىم سالاسىنا 55 ميلليارد تەڭگەگە ۇلعايتىلىپ، 454 ميلليارد تەڭگە سوماسىندا قاراجات كوزدەلەدى. سونىڭ ىشىندە 28 ميلليارد تەڭگە ۇلتتىق قوردان بەرىلەتىن نىسانالى ترانسفەرت ەسەبىنەن وقۋدىڭ ءۇش اۋىسىمدىلىعىن جانە اپاتتىلىقتى جويۋ ءۇشىن جۇمسالادى. وسىعان وراي، بيىل ەلىمىزدە 42 جاڭا مەكتەپ سالۋعا بيۋدجەتتەن قوسىمشا شىعىستار كوزدەلەدى»، - دەدى مينيستر.

ونىڭ ايتۋىنشا، ناقتىلانعان بيۋدجەت جوباسىندا كەلەسى 2017 - جىلى اپاتتى مەكتەپتەر مەن ءۇش اۋىسىمدىلىقتى جويۋعا قاتىستى 76 مەكتەپتىڭ قۇرىلىسىن اياقتاۋعا 45 ميلليارد تەڭگە كوزدەلەدى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى