شۇعىل: قازاقستان باسەكەگە قابىلەتتىلىك رەيتينگىسىندە 42-ورىنعا كوتەرىلدى
2015 -جىلدىڭ قورىتىندىلارى بويىنشا باسەكەگە قابىلەتتىلىك رەيتينگىندە قازاقستان ءوزىنىڭ وتكەن جىلعى ورنىن 8 تارماققا جاقسارتىپ، الەمنىڭ 140 ەلى اراسىندا 42-ورىندى يەلەندى.
بۇل - باسەكەگە قابىلەتتىلىك يندەكسىنىڭ رەيتينگىنە قاتىسۋدىڭ بۇكىل تاريحىنداعى قازاقستاننىڭ ۇزدىك ناتيجەسى.
قازاقستاننىڭ جالپى ورتا ۇپايى 4,49 (2014 -جىلى 4,42) قۇرايدى، بۇل ەلگە پولشا (4,49) مەن يتاليا (4,46) اراسىنداعى رەيتينگتەگى ورنىن قامتاماسىز ەتكەن.
ت م د ەلدەرىنىڭ اراسىندا قازاقستان ازەربايجاننان كەيىن (40-ورىن) ەكىنشى ورىندا تۇر. رەسەي 45-ورىن، گرۋزيا - 66-ورىن، ۋكراينا - 79-ورىن، تاجىكستان - 80-ورىن، ارمەنيا - 82-ورىن، مولدوۆا - 84-ورىن، قىرعىز رەسپۋبليكاسى - 102-ورىن الدى.
قازاقستاننىڭ يننوۆاتسيالىق دامۋ فاكتورى بويىنشا (78؛ +11) پوزيتسيالارىنىڭ ايتارلىقتاي جاقسارۋى بايقالادى. يننوۆاتسيالار (72؛ +13) جانە بيزنەستىڭ باسەكەگە قابىلەتتىگى (79؛ +12) فاكتورلارى بويىنشا ىلگەرىلەۋگە قول جەتكىزىلدى. بۇدان باسقا، قازاقستان ينستيتۋتتار (50؛ +7) فاكتورى بويىنشا جانە قارجى نارىعىنىڭ دامۋى (91؛ +7) فاكتورى بويىنشا ءوز رەيتينگىن جاقسارتتى. وتكەن جىلمەن سالىستىرعاندا ەڭبەك نارىعىنىڭ تيىمدىلىگى (18؛ -3) فاكتورى بويىنشا رەسپۋبليكانىڭ جايعاسىمى 3 تارماققا تومەندەگەنىن اتاپ ءوتۋ كەرەك.
114 ينديكاتورى ىشىندە 73 ينديكاتور بويىنشا جاقسارۋ، 30 ينديكاتور بويىنشا تومەندەۋ بايقالادى، 11 ينديكاتور بويىنشا وزگەرىستەر جوق (بەزگەكتىڭ تارالۋى جانە بيزنەسكە بەزگەكتىڭ اسەر ەتۋى سەكىلدى ەكى كورسەتكىش بويىنشا قازاقستان مالياريانىڭ اسەرىنەن ەركىن ەلدەر تىزىمىنە ەنگىزىلدى).
ەڭ ەلەۋلى وڭ وزگەرىستەر ءونىمىن جاھاندىق ۇلەستىرۋدە جەرگىلىكتى كومپانيالاردىڭ باقىلاۋى (60؛ +31) ينديكاتورى بويىنشا بايقالادى. كەدەن باجدارى (73؛ +28)، مونوپولياعا قارسى ساياساتتىڭ تيىمدىلىگى (68؛ +26)، كەدەن راسىمدەرىنىڭ شىعىستارى (55؛ +22) جانە ىشكى نارىقتا ءونىم جەتكىزۋشى ساپاسى (88؛ +20) كورسەتكىشتەرى بويىنشا 20 جايعاسىمنان ارتىق جاقسارۋعا قول جەتكىزىلدى.
بيزنەستە پەرسونالدى وقىتۋ پراكتيكاسىنىڭ تارالۋى (76؛ -14) ينديكاتورى بويىنشا ەلەۋلى تومەندەۋ بايقالادى. سونىمەن بىرگە قازاقستان اۋىل شارۋاشىلىعى ساياساتىنىڭ شىعىستارى (70؛ -13) جانە ۆەنچۋرلىق كاپيتالدىڭ قولجەتىمدىلىگى (59؛ -12) كورسەتكىشتەرى بويىنشا ورىندارىن ايتارلىقتاي جوعالتىپ الدى.
