42500 تەڭگەگە ءوتىنىم قابىلداۋ باستالدى

بۇل جونىندە ەڭبەك جانە حالىقتى الەۋمەتىتك قورعاۋ مينيسترلىگىنە سىلتەمە جاساپ قازاقپارات حابارلايدى.

42500.enbek.kz پورتالى ارقىلى ءبىر ۋاقىتتا ءوتىنىمدى 75 مىڭعا دەيىن ازامات بەرە الادى. بۇعان دەيىن حابارلانعانداي، ازاماتتارعا ىڭعايلى بولۋ ءۇشىن وتىنىمدەردى قابىلداۋ كەزەڭ- كەزەڭمەن جۇزەگە اسىرىلادى. 16 - شىلدەدەن باستاپ ءبىرىڭعاي جيىنتىق تولەمدى تولەۋشىلەر بولىپ تابىلاتىن ادامدار ءۇشىن sms حابارلامالاردى جىبەرۋ ارقىلى ءبىرجولعى تولەمدى تاعايىنداۋ بويىنشا پرواكتيۆتى قىزمەت كورسەتۋ جۇزەگە اسىرىلادى. وسى ساناتتاعى، پرواكتيۆتى قىزمەتتى پايدالانباعان ازاماتتار ءۇشىن وتىنىمدەردى قابىلداۋ پرواكتيۆتى قىزمەتتى كورسەتۋ اياقتالعاننان كەيىن جۇزەگە اسىرىلادى. 17- شىلدەدە جەكە كاسىپكەرلەردەن، ازاماتتىق- قۇقىقتىق سيپاتتاعى شارتتار بويىنشا تابىس الاتىن ادامداردان جانە جەكە پراكتيكامەن اينالىساتىن ادامداردان وتىنىمدەر قابىلداۋ باستالدى.

ءوز قىزمەتكەرلەرىنە ءوتىنىم بەرەتىن جۇمىس بەرۋشىلەر (زاڭدى جانە جەكە تۇلعالار) ءۇشىن ءوتىنىم قابىلداۋ 19 - شىلدەدە باستالادى. ەستەرىڭىزگە سالا كەتەيىك، 700 مىڭ قازاقستاندىق 42500 تەڭگەنى پرواكتيۆتى تۇردە تاعايىنداۋ ءۇشىن SMS- حابارلاما العان بولاتىن. كەلەسى ارنالاردى پايدالانا وتىرىپ، ءوتىنىش بەرۋگە بولادى:

- egov.kz - «ەلەكتروندىق ۇكىمەت» ۆەب- پورتالى؛

- 42500.enbek.kz پورتالى؛

- telegram-bot-تار؛

- Aitu مەسسەندجەرىندەگى 42500.enbek.kz قوسىمشاسى؛

- ەكىنشى دەڭگەيدەگى بانكتەردىڭ ءموبيلدى قوسىمشالارى مەن ينتەرنەت- رەسۋرستارى. ءوتىنىم قابىلداۋ 2020 -جىلدىڭ 1 - قىركۇيەگىنە دەيىن جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى