42500 تەڭگە: ءوتىنىمدى قالاي بەرۋگە بولادى
«جالدامالى جۇمىسشىلار ءۇشىن ءوتىنىش بەرەتىن جۇمىس بەرۋشىلەر نازارىنا: سىزدەر اقىسىز دەمالىسقا جىبەرىلگەن ءوز قىزمەتكەرلەرىڭىز ءۇشىن عانا ءوتىنىش بەرە الاسىزدار. قاشىقتان، تولىق ەمەس رەجىمدە ىستەيتىن، جالاقىسىن تولىق الىپ جۇرگەن قىزمەتكەرلەردى بۇل وتىنىشكە قوسا المايسىز. ءوتىنىشتى ەكى پورتالدا: egov.kz - «ەلەكتروندى ۇكىمەتتىڭ» ۆەب- پورتالى جانە https://42500.enbek.kz/ پورتالىندا تىركەي الاسىزدار. وندا كاسىپورىننىڭ مالىمەتىن كورسەتەسىزدەر. ب ي ن- ءدى كورسەتكەندە بارلىق اقپارات شىعادى. ءار جۇمىسشىنىڭ ج س ن- ىن كورسەتكەندە ادام تۋرالى بارلىق مالىمەت شىعادى، سونى ءبىر تەكسەرىپ الاسىزدار. پورتالعا كىرگەندە 20 قىزمەتكەردىڭ ءوتىنىشىن توپتاستىرىپ جىبەرە الاسىزدار. ءسويتىپ، ونى ەلەكتروندى سيفرلىق قولتاڭبامەن بەكىتەسىزدەر. تاعى دا ەسكەرتەمىن، كارانتينگە قاتىستى كۇشەيتىلگەن شارالار كەسىرىنەن جۇمىسىڭىز توقتاپ تۇرسا عانا ءوتىنىش جىبەرىڭىزدەر. ونى اۋداندىق شتابتار تەكسەرەدى»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.
مينيستر جۇمىسشىلاردىڭ وزدەرى ءوتىنىم بەرىپ، اۋرە بولماۋىن ەسكەرتتى.
«جۇمىسشىلاردىڭ وزدەرى جىبەرگەن ءوتىنىش ءبارىبىر قابىلدانبايدى. باسقالارعا كەدەرگى جاساماۋىڭىزدى سۇرايمىز. https://42500.enbek.kz/ پورتالىندا ءوز مارتەبەڭىزدى باقىلاي الاسىزدار. ءوتىنىشتىڭ بەرىلگەنى جانە قانداي ساتىدا قارالىپ جاتقانى تۋرالى مالىمەت الا الاسىزدار. ال جەكە پراكتيكامەن اينالىسىپ جۇرگەن ازاماتتار ءوتىنىشتى وزدەرى بەرەدى. ولار ەكى پورتالعا قوسىمشا «ەلەكتروندى ۇكىمەتتىڭ» telegram-bot-تارىن دا پايدالانا الادى. باسقا ازاماتتار - جەكە تۇلعالار وسى پورتالدار ارقىلى جانە تەلەگرام- بوت ارقىلى ءوتىنىم بەرە الادى. سىزدەرگە قويىلاتىن ءبىر عانا شارت - جۇمىستارىڭىزدىڭ توقتاپ تۇرعانى. ونى اۋداندىق شتابتار مەن سالىق كوميتەتى تەكسەرەدى. ەگەر كاسىبىڭىز توقتاماسا، ءوتىنىش بەرۋدىڭ قاجەتى جوق»، - دەدى ب. نۇرىمبەتوۆ.
ەرتەڭنەن باستاپ، egov.kz - «ەلەكتروندى ۇكىمەتتىڭ» ۆەب- پورتالى، https://42500.enbek.kz/ پورتالى جانە تەلەگرام- بوتتار ءوتىنىش قابىلداۋدى باستايدى.
«كاسپي بانك پەن حالىق بانك قوسىمشالارى ءالى دايىن ەمەس. دايىن بولعاسىن، ولار دا بىردەن ىسكە قوسىلادى. سىزدەردەن ءبىر عانا ءوتىنىش بەرۋدى سۇرايمىز. ءار پورتالعا ءبىر- ءبىر وتىنىمنەن بەرۋدىڭ قاجەتى جوق. ءبارىبىر ەكىنشى ءوتىنىش قابىلدانبايدى، ءبىراق ول پورتالدارعا سالماق سالۋى مۇمكىن. باسقا ازاماتتاردىڭ ءوتىنىش بەرۋىنە كەدەرگى بولادى»، - دەدى ءبىرجان نۇرىمبەتوۆ.
بۇعان دەيىن سپيكەر 42500 تەڭگە جاردەماقى تولەنەتىن ساناتتاردى جاريالاعان ەدى. سونىمەن بىرگە مينيستر 42500 تەڭگە جاردەماقىنىڭ كىمدەرگە بەرىلمەيتىنىن ءتۇسىندىردى.
اۆتور: ايجان سەرىكجان قىزى
