قازاقستاندىقتار 42500 تەڭگە جاردەماقىنى ەكىنشى رەت قاي ۋاقىتتا الادى
«تولەم ءبىر رەت تاعايىندالادى، توتەنشە جاعداي كەزىندە اي سايىن تولەنەدى. ماسەلەن، العاشقى تولەمدى 6 - ساۋىردە الساڭىز، ەكىنشىسىن 6 - مامىردا الاسىز. ەگەر ازاماتتار العاشقى تولەمدى 20 - ساۋىردە السا، ەكىنشىسىن 20 - مامىردا، توتەنشە جاعداي ۇزارتىلعان جاعدايدا عانا الادى»، - دەدى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.
ەڭبەك مينيسترلىگى ناۋرىز ايىندا ءوتىنىش بەرگەن ازاماتتار ءساۋىر ايىندا ەكىنشى تولەمدى العانىن اتاپ ءوتتى.
جالپى العاندا، 5 - مامىرداعى جاعداي بويىنشا، توتەنشە جاعداي كەزىندە تابىسىنان ايىرىلعان ازاماتتارعا مەملەكەتتىك الەۋمەتتىك ساقتاندىرۋ قورىنان (ت م ك ك ك) 4 ميلليون 478 مىڭ الەۋمەتتىك تولەمدەر تاعايىندالدى.
«ونىڭ ىشىندە ءبىرىنشى ايدا - 3 ميلليون 734 مىڭ، ەكىنشى ايدا - 744 مىڭ الدى»، - دەدى ەڭبەك مينيسترلىگى.
5 - مامىرداعى جاعداي بويىنشا 8 ميلليون 32 مىڭ ازامات 42500 تەڭگە تولەمىن الۋعا ءوتىنىش بەردى.
وتىنىشتەردىڭ باسىم بولىگى الماتى وبلىسىنان - 1,4 ميلليون، تۇركىستان وبلىسىنان - 1 ميلليون، الماتىدان - 897,2 مىڭ، نۇر- سۇلتاننان - 595 مىڭ، شىمكەنتتەن - 535 مىڭ ءوتىنىش كەلىپ ءتۇستى.
