تابىسىنان ايىرىلعان قانشا ادام 42500 تەڭگەدەن جاردەماقى الدى
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 27-ساۋىردەگى جاعداي بويىنشا توتەنشە جاعداي كەزىندە كىرىستەن ايىرىلۋعا بايلانىستى مەملەكەتتىك الەۋمەتتىك ساقتاندىرۋ قورىنان 4 ميلليون 251 مىڭ الەۋمەتتىك تولەم تاعايىندالدى. ونىڭ ىشىندە العاشقى ايدا - 3 ميلليون 731 مىڭ، ەكىنشى ايدا - 520 مىڭ.
27-ساۋىردەگى جاعداي بويىنشا «42500 تەڭگە» تولەمگە 8 ميلليون 23 مىڭ ادام ءوتىنىش بەردى. بىرەگەي وتىنىشتەردىڭ ەڭ كوبى مىنا وڭىرلەردە: - الماتى وبلىسى - 1 ميلليون 45 مىڭ؛ - تۇركىستان وبلىسى - 999,5 مىڭ؛ - الماتى ق. - 896,6 مىڭ؛ - نۇر-سۇلتان ق. - 594,5 مىڭ؛ - شىمكەنت ق. - 534,5 مىڭ.
وڭىرلەر بويىنشا مىنا وبلىستاردىڭ تۇرعىندارىنا جاردەماقى تاعايىندالعان: - الماتى وبلىسى - 620,5 مىڭ؛ - تۇركىستان وبلىسى - 508,5 مىڭ؛
- الماتى ق. - 412,1 مىڭ. كەلىپ تۇسكەن 3 ميلليون 672 مىڭ ءوتىنىم بويىنشا 42500 تەڭگە تاعايىنداۋدان باس تارتىلدى، سەبەبى ولار ت ج كەزىندە تابىستىڭ جوعالۋىنا بايلانىستى م ءا س ق- دان الەۋمەتتىك تولەمدى تاعايىنداۋ قاعيدالارىنا سايكەستىگىن تەكسەرۋدەن وتپەگەن. باس تارتۋدىڭ نەگىزگى سەبەپتەرى مىناداي: - ءوتىنىش بەرۋشىنىڭ جەكە دەرەكتەرىنىڭ دۇرىس كورسەتىلمەۋى؛
- بانكتىك شوت ءنومىرىنىڭ دۇرىس كورسەتىلمەۋى؛ - ءوتىنىش بەرۋشىدە تۇراقتى جالاقىسىنىڭ بولۋى (ونىڭ ىشىندە مەملەكەتتىك قىزمەتكەرلەر مەن بيۋدجەتتىك ۇيىمداردىڭ قىزمەتكەرلەرى)؛
- ءوتىنىش بەرۋشىنىڭ توتەنشە جاعداي ەنگىزىلگەنگە دەيىن رەسمي جۇمىس جاساماعان زەينەتاقى مەن جاردەماقى الۋشى بولىپ تابىلۋى؛
- ءوتىنىش بەرۋشى ءۇشىن توتەنشە جاعداي رەجيمىن ەنگىزگەنگە دەيىن سوڭعى 12-اي ىشىندە مىندەتتى الەۋمەتتىك اۋدارىمداردىڭ، زەينەتاقى جارنالارىنىڭ جۇرگىزىلمەۋى، ب ج ت تولەمەۋ نەمەسە بەيرەسمي ءوزىن-ءوزى جۇمىسپەن قامعانداردىڭ ءوتىنىش بەرگەنگە دەيىن ب ج ت تولەمەۋى؛
- ءوتىنىش بەرۋشىنىڭ قايتىس بولۋى نەمەسە قازاقستان رەسپۋبليكاسىنىڭ اۋماعىنان تىس جەرگە تۇراقتى تۇرۋعا كەتۋى. الەۋمەتتىك تولەم الۋعا ءوتىنىمدى eGov پورتالى، 42500.enbek.kz ۆەب- سايتى جانە Telegram-بوت ارقىلى بەرۋگە بولادى.
ءوتىنىشتىڭ قارالۋ ستاتۋسىن 42500.enbek.kz سايتىندا تەكسەرە الاسىز. قوسىمشا قاراۋدى تالاپ ەتەتىن ەرەكشە جاعدايلاردا ازاماتتار42500@enbek.kz جانە 42500@gfss.kz ەلەكتروندى پوشتاسىنا جازباشا ءوتىنىش بەرە الادى. م ءا س ق- تا تولەم جاساۋ تۋرالى شەشىم قابىلدانعاننان كەيىن ءوتىنىش بەرۋشىگە SMS- حابارلاما كەلەدى.
كەيىننەن ءوتىنىش بەرۋشىنىڭ دەرەكتەرى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- عا جىبەرىلەدى، ول ونى ەكىنشى دەڭگەيدەگى بانكتەرگە تولەم جۇرگىزۋ ءۇشىن جىبەرەدى.
ەستەرىڭىزگە سالا كەتەيىك، قولدانىستاعى قاعيدالارعا سايكەس ت ج كەزەڭىندە قىزمەتتىڭ شەكتەلۋىنە بايلانىستى تابىسىنان ايىرىلعان جاعدايدا ءبىر ادامعا م ءا س ق - تان ايىنا 42500 تەڭگە مولشەرىندە بەرىلەتىن الەۋمەتتىك تولەم كەلەسى ساناتتارعا:
- جەكە كاسىپكەرلەرگە جانە شاعىن جانە ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە؛ - كارانتين ەنگىزىلگەن ەلدى مەكەندەردە قىزمەتىن جۇزەگە اسىراتىن ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە؛
- مەملەكەتتىك مەكەمەلەردى قوسپاعاندا، كوممەرتسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى قىزمەتكەرلەرىنە؛
- جەكە پراكتيكامەن اينالىساتىن ادامدارعا (نوتاريۋس، جەكە سوت ورىنداۋشىسى، ادۆوكات، كاسىبي مەدياتور)؛
- ق ر سالىق كودەكسىنىڭ 774 بابىنا سايكەس، ءبىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالارعا؛
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق- قۇقىقتىق سيپاتتاعى شارتتار بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا تاعايىندالادى. 1 جانە 2-تارماقشالار ۇلتتىق باسقارۋشى حولدينگتەردىڭ، ۇلتتىق حولدينگتەر مەن ۇلتتىق كومپانيالاردىڭ قىزمەتكەرلەرىنە قاتىستى ەمەس.
