ساۋىردە 42500 تەڭگەنى كىم المايتىنى بەلگىلى بولدى

بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشيەۆ ايتتى.

«بۇل توتەنشە جاعداي ءۇشىن اي سايىنعى تولەم. توتەنشە جاعداي 30- ساۋىرگە دەيىن ۇزارتىلعاندىقتان، ەكىنشى تولەم ناۋرىز ايىندا نەمەسە ءساۋىردىڭ باسىندا العان ادامدارعا تولەنەدى. ەكىنشى تولەم ءبىرىنشىسىن العاننان سوڭ ءبىر ايدان كەيىن بەرىلەدى. ءبىراق توتەنشە جاعداي ۋاقىتى اياقتالعاناعا دەيىن عانا. ءساۋىر ايىنىڭ سوڭىنا دەيىن بارلىعى ەكىنشى تولەم الادى»، - دەدى ۆيتسە-مينيستر الەۋمەتتىك جەلىدەگى تىكەلەي ەفيردە.

سونىمەن قاتار ول ەكىنشى تولەمدى ءبارى بىردەي الا المايتىندىعىن اتاپ ءوتتى.

«ءبىز ەكىنشى تولەم تۋرالى قوسىمشا مالىمدەمە سۇرامايمىز، سونىمەن بىرگە اۋداندىق جۇمىسپەن قامتۋ باسقارماسىنان تەكسەرەمىز. ەندى وزدەرىڭىز بىلەتىندەي، كاسىپورىنداردى كەزەڭ-كەزەڭىمەن ىسكە قوسۋ جوسپارى قابىلداندى. 20- ساۋىردەن باستاپ نۇر-سۇلتان جانە الماتىدا كەيبىر كاسىپورىندار جۇمىس ىستەي الادى. جۇمىسى قايتا قالپىنا كەلتىرىلىپ، جالاقى الاتىندارعا ەكىنىشى جاردەماقى تاعايىندالمايدى. ول ءۇشىن ەلىمىزدىڭ كەز كەلگەن ازاماتى egov.kz سايتىنداعى ارنايى بولىمگە كىرىپ، «جاردەماقىدان باس تارتامىن» دەۋى كەرەك»، - دەيدى مۇقىشيەۆ.

ايتا كەتەيىك، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ الىنعان 42500 تەڭگە ءۇشىن ءبىر دە ءبىر قازاقستان ازاماتى جاۋاپقا تارتىلمايدى دەگەن ەدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى