42500 تەڭگە: ۆيتسە-مينيستر ەڭ ءجيى قويىلاتىن ءۇش سۇراققا جاۋاپ بەردى
«ءبىز اقشانى 1 جۇمىس كۇنى ىشىندە اۋدارساق تا، ول تولەمدى الۋشىنىڭ شوتىنا ۇزاق تۇسپەي جاتقانىنان قاتىستى شاعىمدار تۇسۋدە. كەيبىر ادام ءۇش كۇندە تۇسكەنىن ايتسا، كەيبىرى ودان دا ۇزاققا سوزىلاتىنىن ايتۋدا. قازىر بۇل ماسەلەنى بانكتەرمەن تالقىلاپ جاتىرمىز. ونىڭ قانشالىقتى وزەكتى ەكەنىن ءبىلۋ ءۇشىن تەلەگرام- كانالدا (t.me/nmukushev) ارنايى ساۋالناما جۇرگىزىلۋدە. سوعان ءوتىپ، جاۋاپ قالدىرۋىڭىزدى سۇرايمىن»، - دەپ جازدى ناريمان مۇقىشيەۆ Facebook-تەگى پاراقشاسىندا.
ەكىنشىدەن، الەۋمەتتىك تولەمنىڭ بەرىلمەيتىنى تۋرالى جاۋاپ العان ازاماتتار 42500.enbek.kz سايتىندا ءوز وتىنىمدەرىنىڭ مارتەبەسىن تەكسەرۋى قاجەتتىگى ايتىلدى.
«سەبەبى، ماسەلەن ب ج ت- نىڭ جوق بولۋىنا بايلانىستى تولەمنىڭ بەرىلمەيتىنى تۋرالى جاۋاپ كەلسە ءبىز ءوتىنىمدى قايتا جىبەرەتىنبىز. اۋدارىلاتىن ب ج ت 1-3 كۇندە تۇسەدى. ب ج ت تۇسكەننەن كەيىن شىنىندا دا الەۋمەتتىك تولەمدەر كەيىن ءتۇسىپ جاتقانىن انىقتادىق»، - دەيدى ول.
ۇشىنشىدەن، ناريمان مۇقىشيەۆتىڭ ايتۋىنشا، 42500 تەڭگەگە قاتىستى سۇراقتار جەكە پاراقشاسىنا دا، كوممەنتاري رەتىندە دە كوپ تۇسەدى. «وكىنىشكە قاراي بارىنە بىردەي جاۋاپ بەرە الماي جاتامىن. سونىمەن قاتار ادامدار بۇل سۇراققا جاۋاپ الۋ ءۇشىن كىمگە جۇگىنۋگە بولاتىنىن سۇرايدى. ول ءۇشىن الدىمەن 42500.enbek.kz اقپارات كوزىندەگى ءوتىنىم مارتەبەسىن تەكسەرىپ الۋدى سۇرايمىن. بولماسا 42500@enbek.kz نەمەسە 42500@gfss.kz ەلەكتروندى پوشتاسىنا حات جولداۋعا بولادى.
ءتۇسىندىرۋ جۇمىستارىنا ەڭبەك جانە حالىقتى الەۋمەتتىك قولداۋ مينيسترلىگى مەن «ەردو» ا ق ماماندارى تارتىلعان. ءوتىنىمنىڭ كوپتىگىنە بايلانىستى 2-3 كۇندە ماسەلەنى شەشىپ بەرۋگە تىرىسامىز. ال ەگەر مارتەبەنى تەكسەرگەننەن كەيىن سۇراق ءالى دە تۋىنداسا 1411 نومىرىنە حابارلاسۋعا بولادى. كۇنىنە كولل ورتالىققا جارتى ميلليونعا جۋىق قوڭىراۋ كەلىپ تۇسەدى. ەگەر قوڭىراۋ شالىپ، بايلانىسقا شىعا الماساڭىز وپەراتورلار باسقا ازاماتتاردىڭ سۇراعىنا جاۋاپ بەرىپ جاتىر دەگەن ءسوز. قاجەتتى اقپاراتتىڭ ءبارىن https://www.enbek.kz/ru/info/mzp اقپارات كوزىنەن بىلۋگە بولادى»، - دەيدى ناريمان مۇقىشيەۆ.
