قازاقستاندا 42500 تەڭگەنى الۋعا 351 مىڭنان استام ادام ءوتىنىم بەرگەن

«4 - ساۋىردەگى تاڭعى ساعات 9 داعى جاعداي بويىنشا قازاقستاندىقتاردان توتەنشە جاعداي كەزەڭىندە تابىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان ( م ءا س ق) الەۋمەتتىك تولەم تاعايىنداۋعا 351777 ءوتىنىش قابىلداندى. ونىڭ ىشىندە eGov پورتالى ارقىلى - 292281، https://42500.enbek.kz/ سايتى ارقىلى - 59496 ءوتىنىش بەرىلدى. ەكى رەسۋرس شتاتتىق رەجىمدە جۇمىس ىستەۋدە. سونىمەن قاتار ولاردا ءبىر ۋاقىتتا ازاماتتاردىڭ 65 مىڭعا دەيىنگى ءوتىنىشى وڭدەلەدى، ونىڭ ىشىندە eGov-تا - 35 مىڭ، https://42500.enbek.kz/ سايتىندا - 30 مىڭ ءوتىنىش»، - دەلىنگەن ق ر ەڭبەك جانە حالىقتى الەۋمەتتىك قورعاۋ مينيسترلىگى حابارلاماسىندا.

https://42500.enbek.kz/ سايتىندا ءوزىن- ءوزى جۇمىسپەن قامتىعانداردى قوسا العاندا، بارلىق بەكىتىلگەن ساناتتار ءۇشىن الەۋمەتتىك تولەم الۋعا ءوتىنىم بەرۋ مۇمكىندىگى ىسكە اسىرىلدى. «وتىنىشتەردى قاراۋ جانە تولەم تاعايىنداۋ مەرزىمى 3 جۇمىس كۇنىن قۇرايدى. م ءا س ق- تان تولەمدەر قازىردىڭ وزىندە 68614 ادامعا، ونىڭ ىشىندە پرواكتيۆتى فورماتتا، ياعني ازاماتتاردىڭ وتىنىشتەرىنسىز (ءبىرىڭعاي جيىنتىق تولەمدى تولەۋشىلەر ءۇشىن) تاعايىندالدى»، - دەپ اتاپ وتىلگەن ۆەدومستۆو مالىمەتىندە.

ەستەرىڭىزگە سالا كەتەيىك، توتەنشە جاعداي كەزىندە تابىسىنان ايىرىلۋ جاعدايىنا بايلانىستى م ءا س ق- تان الەۋمەتتىك تولەم مولشەرى ءبىر ادامعا ايىنا 42,5 مىڭ تەڭگەنى (ەڭ تومەنگى جالاقى) قۇرايدى. ول كەلەسى ساناتتاعى ازاماتتارعا تاعايىندالادى:

- ورتا، شاعىن جانە ميكروبيزنەس سۋبەكتىلەرىنىڭ قىزمەتكەرلەرى؛

- جەكە كاسىپكەرلەر؛

- جەكە پراكتيكامەن اينالىساتىن ادامدار (نوتاريۋس، جەكە سوت ورىنداۋشىسى، ادۆوكات، كاسىبي مەدياتور)؛

- ءبىرىڭعاي جيىنتىق تولەمدى تولەۋشىلەر؛

- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق- قۇقىقتىق سيپاتتاعى شارتتار بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدار؛

- كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى