42500 تەڭگەنى الا الماعانداردىڭ ءوتىنىشى 1-جەلتوقسانعا دەيىن قايتا قارالادى
بۇدان بۇرىن 42500 تەڭگە الەۋمەتتىك تولەمىن تاعايىنداۋ تۋرالى وتىنىشىڭىزگە باس تارتۋ تۋرالى شەشىم قابىلدانعان بولسا، ءوتىنىشىڭىزدى قايتا قاراۋ مۇكىندىگى بەرىلۋدە. ول ءۇشىن اۋداندىق (قالالىق) شتابقا راستايتىن قۇجاتتارمەن بىرگە ءتيىستى ءوتىنىش بەرۋىڭىز كەرەك. شاعىن جانە ورتا بيزنەس، ءىرى كاسىپكەرلىك قىزمەتكەرلەرى، كوممەرتسيالىق ەمەس زاڭدى تۇلعالار ءۇشىن ءوتىنىشتى جۇمىس بەرۋشى تاراپ بەرە الادى.
بۇل رەتتە ءوتىنىش تەك الەۋمەتتىك تولەم تاعايىنداۋدان باس تارتۋ (ونى توقتاتۋ) تۋرالى شەشىم قابىلدانعان قىزمەتكەرلەر ءۇشىن بەرىلەتىنىن ەسكەرگەن ءجون. جەكە كاسىپكەرلەر، جەكە پراكتيكامەن اينالىساتىن ادامدار، ءبىرىڭعاي جيىنتىق تولەمدى تولەۋشىلەر، ازاماتتىق- قۇقىقتىق سيپاتتاعى شارتتار بويىنشا جۇمىس ىستەيتىن ادامدار بولسا، وزدەرىنە قاتىستى الەۋمەتتىك تولەمدى تاعايىنداۋدان باس تارتۋ (ونى توقتاتۋ) تۋرالى شەشىم قابىلدانعان جاعدايدا، شەشىمدى قايتا قاراۋعا ءوز بەتىنشە ءوتىنىش بەرە الادى.
1- قىركۇيەك ساعات 09.00 دەگى جاعداي بويىنشا اعىمداعى جىلعى شىلدەدە شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان (م ءا س ق) ءبىرجولعى تولەم تاعايىنداۋعا ازاماتتاردان 2 ميلليون 607 مىڭنان استام بىرەگەي ءوتىنىش قابىلداندى. تولەم مولشەرى ەڭ تومەنگى جالاقىعا - 42500 تەڭگەگە تەڭ. تولەمدى 2 ميلليون 391,4 مىڭ قازاقستاندىق الدى. ونىڭ ىشىندە 2 ميلليون 384,9 مىڭ ادام تامىز ايىندا كارانتيننىڭ ۇزارتىلۋىنا بايلانىستى 0,5 ە ت ج - 21250 تەڭگە مولشەرىندە قوسىمشا اقى الدى. وسى باعىتتاعى جۇمىس جالعاسۋدا، - دەلىنگەن حابارلامادا.
