ەڭبەك مينيسترلىگى: 42500 تەڭگە تولەمدى تاعايىنداۋعا ءوتىنىش قابىلداۋ 17- شىلدەدەن باستالادى
ق ر ەڭبەك جانە حالىقتى الەۋمەتتىك قورعاۋ مينيسترلىگى وسىلاي ءمالىم ەتتى، دەپ حابارلايدى قازاقپارات.
«مەسسەندجەرلەر مەن الەۋمەتتىك جەلىدە مەملەكەتتىك الەۋمەتتىك ساقتاندىرۋ قورىنان 42500 تەڭگە مولشەرىندە ءبىرجولعى تولەمدەرگە ءوتىنىم قابىلداۋ ءۇشىن سايتتىڭ ىسكە قوسىلعانى تۋرالى تاراتىلعان اقپارات شىندىققا سايكەس كەلمەيدى. قازىرگى ۋاقىتتا ق ر ەڭبەك جانە حالىقتى الەۋمەتتىك قورعاۋ مينيسترلىگى COVID-19 اۋرۋىنا بايلانىستى جاعدايدى تۇراقتاندىرۋ ءۇشىن شەكتەۋ شارالارىنىڭ ەنگىزىلۋىنە بايلانىستى كىرىسىن جوعالتقان ازاماتتارعا ءبىرجولعى تولەمدى جۇزەگە اسىرۋ قاعيدالارىن ازىرلەۋدە»، دەلىنگەن حابارلامادا.
مينيسترلىكتىڭ باسپا ءسوز قىزمەتىنىڭ مالىمەتىنشە، ءبىرجولعى تولەمدى تاعايىنداۋ ءۇشىن وتىنىشتەردى 17- شىلدەدەن باستاپ قابىلداۋ جوسپارلانىپ وتىر.
«ءبىرجولعى تولەمدى تاعايىنداۋدى 20- شىلدەدەن باستاۋ جوسپارلانىپ وتىر. ازاماتتاردان جالعان اقپاراتقا نازار اۋدارماۋىن جانە اقپاراتتى تەك رەسمي كوزدەردەن عانا الۋىن سۇرايمىز. جالعان اقپاراتتى تاراتۋ زاڭ بويىنشا جازالاناتىنىن ەسكە سالامىز»، دەلىنگەن حابارلامادا.
