قىرعىز ەلى قازاقستاننان كومەككە العان 41 ميلليون دوللاردى قايدا جۇمساماقشى؟

بۇل تۋرالى NewTimes.kz اگەنتتىگى حابارلايدى.

2017-جىلدىڭ 22- تامىز كۇنى «ىستىق كول-2017» ەكونوميكالىق فورۋمى بارىسىندا قىرعىزستان ەكونوميكا ءمينيسترىنىڭ ورىنباسارى الماز سازباقوۆ پەن قازاقستان قارجى ۆيتسە-ءمينيسترى قانات باەدىلوۆ قىرعىزستانعا كومەككە 41 ميلليون دوللار قاراجات بەرۋ تۋرالى قۇجاتقا قول قويدى.

قازاقستان تاراپىنان 41 ميلليون دوللار كولەمىندە جولدانعان تەحنيكالىق كومەك كەلەسى سالالارعا جۇمسالادى:

«مەملەكەتتىك كەدەن قىزمەتىنە شامامەن $3 ميلليون 286 مىڭ، دەنساۋلىق ساقتاۋ مينيسترلىگىنىڭ اۋرۋدى الدىن الۋ جانە مەملەكەتتىك سانەپيدەم باقىلاۋىنا $5 ميلليون 199 مىڭ، ءدارى-دارمەكپەن قامتاماسىز ەتۋ جانە مەديتسينالىق تەحنيكا دەپارتامەنتىنە $1 ميلليون 863 مىڭ، مەلەكەتتىك بايلانىس قىزمەتىنە $553 مىڭ، ورتكە قارسى قىزمەتكە $749 مىڭ، ستاندارتيزاتسيا جانە مەترولوگيا ورتالىعىنا $4 ميلليون 622 مىڭ جانە وزگە دە شىعىندار»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى