الەمنىڭ 40 تان استام ەلىندە قازاق كۇرەسى دامىپ جاتىر - قاۋىمداستىق

Qazaq kuresi قاۋىمداستىعى ۇسىنعان مالىمەتكە سايكەس، ەلىمىزدە 122607 ادام قازاق كۇرەسىمەن اينالىسادى جانە 3897 ۇيىرمە بار.

ونىڭ ىشىندە 2735 ۇيىرمە اۋىلدا، وندا 73054 ادام جاتتىعىپ ءجۇر.

جالپى قازاق كۇرەسىنەن جىلىنا ءتۇرلى دەڭگەيدە 700 دەن استام جارىس وتكىزىلەدى.

بۇگىنگى تاڭدا الەمنىڭ 40 تان استام ەلىندە قازاق كۇرەسى فەدەراتسيالارى جۇمىس ىستەيدى.

«مەملەكەت باسشىسى حالىق جولداۋىندا سپورتپەن اينالىسۋ حالىققا قولجەتىمدى بولۋى كەرەك دەگەن ەدى. ونىڭ ىشىندە ۇلتتىق سپورت تۇرلەرى دە بار. بۇگىندە ءار اۋىلدا قازاق كۇرەسىنەن جاتتىقتىرۋشى ءارى كۇرەس كىلەمى بار. اتالعان سپورت اسىرەسە اۋىل، اۋدان ورتالىقتارىندا جاقسى دامىعان. ءبىز قازاق كۇرەسىن سپورت رەتىندە عانا ەمەس، جاس ۇرپاقتى تاربيەلەۋ، قازاق جىگىتىنىڭ بولمىسىن قالىپتاستىراتىن قۇرال رەتىندە قولدانىپ جاتىرمىز. بۇل باستاما بۇگىندە مەكتەپتە پيلوتتىق جوبا رەتىندە ەنگىزىلدى»، - دەدى ەربول مىرزابوسىنوۆ ەلوردادا وتكەن Qazaq kuresi قاۋىمداستىعى جيىنىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.

بۇعان دەيىن حابارلاعانىمىزداي، بيىل كۇزدە باكۋدە قازاق كۇرەسىنەن ەۋروپا چەمپيوناتى ۇيىمداستىرىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى