بىشكەكتە قىلمىستىق توپ قازاقستان ازاماتىنىڭ 40 مىڭ دوللارىن تارتىپ الدى
بىشكەك پوليتسيا باسقارماسى الەۋمەتتىك جەلىدەگى پاراقشاسىندا جەدەل قىزمەتكەرلەرىنىڭ بۇزاقىلاردى قولعا تۇسىرگەنىن مالىمدەگەن.
«10-جەلتوقساندا بىشكەك قالاسىنىڭ وكتيابر ا ءى ءى ب- نە قازاقستان رەسپۋبليكاسىنىڭ ازاماتى د. ش جازباشا ارىزداندى. 7-جەلتوقسان كۇنى شامامەن ساعات 15.00-دە وعان قىلمىستىق توپ فيزيكالىق كۇش قولدانىپ، بەلگىسىز ماركالى تاپانشامەن قورقىتىپ، 40000 ا ق ش دوللارىن قولما- قول الىپ كەتكەن.
اتالعان دەرەك باسقارمانىڭ قىلمىستاردىڭ ءبىرىڭعاي تىزىلىمىنە تىركەلىپ، قىرعىز رەسپۋبليكاسى قىلمىستىق كودەكسىنىڭ 207-بابى (قاراقشىلىق) بويىنشا قىلمىستىق ءىس قوزعالدى»، - دەپ جازدى ۆەدومستۆو.
تەرگەۋ جانە ىزدەستىرۋ ءىس-شارالارى بارىسىندا بىشكەك قالالىق ءى ءى ب-نىڭ جەدەل ۋاكىلدەرى اتالعان قىلمىستى جاساۋعا 2-3 ادامنان تۇراتىن ۇيىمداسقان قىلمىستىق توپتىڭ قاتىسى بار ەكەندىگى تۋرالى اقپارات العان. قىرعىز رەسپۋبليكاسى ىشكى ىستەر مينيسترلىگىنىڭ جەدەل ارەكەت ەتۋ جاساعى كۇدىكتى رەتىندە 1993، 1991 جانە 1996 -جىلى تۋعان ازاماتتاردى ۇستادى. ولار تەرگەۋ قىزمەتىنە جەتكىزىلىپ، ۋاقىتشا ۇستاۋ يزولياتورىنا قامالدى. بىشكەكتىڭ وكتيابر اۋداندىق سوتى بارلىق كۇدىكتىلەردى ەكى ايعا قاماۋعا الۋ تۇرىندەگى بۇلتارتپاۋ شاراسىن تاڭدادى.
