پرەزيدەنت سايلاۋىندا 40 مىڭ قازاقستاندىق سول كۇنى تىركەلىپ، داۋىس بەرگەن

«پرەزيدەنت سايلاۋىن ۇيىمداستىرۋ مەن وتكىزۋدە جەرگىلىكتى اتقارۋشى ورگانداردىڭ جۇمىسى كورىندى. ال اۋماقتىق كوميسسيالاردىڭ سايلاۋ بارىسىن باقىلاۋعا قاتىستى جۇمىسىن كورمەدىم. مەنىڭ ايتقانىممەن كەلىسپەسەڭىزدەر، وندا ماسەلەنى جەكە قاراستىرايىق. سايلاۋ كۇنى بىزدە 2 اقپاراتتىق سەرۆيس جۇمىس ىستەدى. ونىڭ ءبىرىنشىسى ءداستۇرلى ءادىس. ياعني داۋىس بەرۋشى تۇرعىلىقتى جەرى بويىنشا ءوزىن تىزىمنەن تەكسەرەدى. وسى جەردە مەنىڭ ويىم، بۇل قاجەت ەمەس ءادىس. سەبەبى قازاقستاننىڭ ازاماتى اۆتوماتتى تۇردە داۋىس بەرۋ قۇقىعىنا يە بولۋى ءتيىس»، - دەدى كونستانتين پەتروۆ ەلوردادا وتكەن اۋماقتىق سايلاۋ كوميسسياسى باسشىلارىنا ارنالعان رەسپۋبليكالىق سەميناردا.

سونداي-اق، و س ك ءتوراعاسىنىڭ ورىنباسارى قانشا ادامنىڭ سايلاۋدان تىس قالا جازداعانىن ايتتى.

«سايلاۋ كۇنى (20- قاراشا) 40 مىڭ ازامات تۇرعىلىقتى جەرى بويىنشا راستاپ، داۋىس بەرۋشىلەر قاتارىنا قوسىلدى. مىسال كەلتىرسەم، ريددەر نەمەسە شاحتينسك قالاسىنىڭ تۇرعىندارى سايلاۋدان تىس قالار ەدى دەگەن ءسوز»، - دەيدى ول.

بۇعان دەيىن ك. پەتروۆ پرەزيدەنت سايلاۋىنا قاتىستى قانشا شاعىمنىڭ قارالعانى تۋرالى مالىمدەگەن ەدى.

ودان بولەك، ورتالىق سايلاۋ كوميسسياسى پرەزيدەنت سايلاۋىندا داۋىس بەرۋشىلەر سانىنىڭ ارتۋ سەبەبىن ءتۇسىندىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى