ەلوردا تۇرعىنى 40 ادامنىڭ اتىنان ونلاين نەسيە العان
ءۇش كۇندە ەلوردالىق پوليتسەيلەر ينتەرنەتتە 50 گە جۋىق قىلمىستىق قۇقىقبۇزۋشىلىقتى انىقتاعان. ونىڭ ىشىندە 29 ينتەرنەت-الاياقتىق جانە 7 ينتەرنەت-ۇرلىق دەرەكتەرى بار. سونداي-اق، 14 كيبەرقىلمىسكەردىڭ ۇستالعانى حابارلاندى.
«40 جاستاعى ەر ادام ۇستالدى، ونىڭ 40 ادامنىڭ اتىنان ونلاين-نەسيە راسىمدەپ، الاياقتىق جاساعانى انىقتالدى. ەر ادام مالىمەتتەردى زاڭسىز جيناۋ ارقىلى قازاقستان ازاماتتارىنىڭ جەكە مالىمەتتەرىن الىپ، اقپاراتتىق تەحنولوگيالاردىڭ كومەگىمەن نەسيە راسىمدەگەن. قازىرگى ۋاقىتتا ەر ادام قاماۋعا الىنىپ، تەرگەۋ امالدارى جۇرگىزىلىپ جاتىر»، - دەلىنگەن پوليتسيا حابارلاماسىندا.
