كوكشەتاۋلىق 40 قا جۋىق وتباسى «نۇرلى جەر» باعدارلاماسىمەن پاتەرلى بولدى
ولاردىڭ اراسىندا كوپ بالالى وتباسىلار، جەتىمدەر مەن مۇگەدەكتەر بار، دەپ حابارلايدى قازاقپارات ءتىلشىسى.
كوكشەتاۋ قالاسىنىڭ اكىمى امانگەلدى سمايىلوۆ قالالىق اكىمدىكتە ۇزاق جىلدارى پاتەر كەزەگىندە تۇرعان تۇرعىندارعا جاڭا پاتەردىڭ كىلتىن سالتاناتتى تۇردە تاپسىرىپ، قۋانىشتارىمەن قۇتتىقتادى. باسپانالى بولعانداردىڭ اراسىندا كوپبالالى وتباسىلار، جەتىمدەر مەن مۇگەدەكتەر بار.
سونىڭ ءبىرى - 15 جىل باسپانا كەزەگىندە تۇرعان بيبىگۇل قادىر قىزى وڭىردە حالىقتى باسپانامەن قامتاماسىز ەتۋ باعىتىنداعى «نۇرلى جەر» مەملەكەتتىك باعدارلاماسىنىڭ ويداعىداي جۇزەگە اسىرىلىپ جاتقاندىعى ءۇشىن قالا باسشىسىنا العىسىن ءبىلدىردى.
«كوپتەن كۇتكەن قۋانىشىما قول جەتكىزىپ وتىرمىن. جاڭا ەكى بولمەلى پاتەردىڭ كىلتىن الدىم»، - دەيدى قۋانىش يەسى.
