دۋباي ءامىرشىسىنىڭ ايەلى 40 ميلليون دوللارمەن ەۋروپاعا قاشىپ كەتتى
بۇل تۋرالى mk.ru سايتىنا سىلتەمە جاساعان KAZ. NUR. KZ حابارلايدى.
اقپان ايىنان بەرى حايا حانشايىمدى ەشكىم كورمەگەن. ەندى عانا ب ا ق بەتتەرىندە ونىڭ قىزى مەن ۇلىن الىپ، 40 ميلليون دوللار قاراجاتپەن گەرمانياعا قاشىپ كەتكەنى تۋرالى اقپارات پايدا بولدى.
گەرمانياعا جەتە سالىپ، حانشايىم باسپانا الۋعا قۇجات تاپسىرعان. سونداي-اق، زاڭگەرلەرگە شەيحپەن اجىراسۋ پروتسەسسىن باستاۋدى تاپسىرعان.
باسىلىم مالىمەتىنشە، حانشايىمنىڭ ارەكەتى گەرمانيا مەن بىرىككەن اراب امىرلىگىنىڭ اراسىندا ديپلوماتيالىق داعدارىس تۋدىرىپ وتىر.
قازىر شەيح گەرمانيادان 45 جاستاعى حانشايىم مەن جەتى جاسار ۇلى زايدتى جانە 11 جاستاعى قىزى ال- دجاليلانى قايتارۋدى تالاپ ەتۋدە. ال بوسقىنداردى جىبەرۋدەن باس تارتقان گەرمانيا ولاردى كۇزەتپەن قورعاپ وتىر.
حايا حانشايىمنىڭ سوزىنشە، ول ۇلى بريتانيا بيلىگىنە سەنبەگەندىكتەن گەرمانياعا قاشۋدى ۇيعارعان.
ايتا كەتەتىن جايت، وسى ۋاقىتقا دەيىن ەلدەن شەيحتىڭ قىزى لاتيفا بينت مۋحاممەد ال ماكتۋم حانشايىم دا قاشپاق بولعان. كەي دەرەكتەرگە سايكەس، ول ۇستالىپ، بىرىككەن اراب امىرلىگىنە قايتارىلعان.
