قازاقستاننىڭ كاسپي ارقىلى جۇك تاسىمالداۋ ۇلەسى 40 پايىزعا جەتىپ قالدى
بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا «نۇرلى جول» باعدارلاماسىن ىسكە اسىرۋ ماسەلەلەرى جونىندە بايانداعان ق ر ينۆەستيتسيالار جانە دامۋ ءمينيسترى جەڭىس قاسىمبەك ايتتى، دەپ حابارلايدى قازاقپارات ءتىلشىسى.
«سۋ كولىگى سالاسىندا قۇرىق پورتىن دامىتۋ شارالارى جۇزەگە استى. قۋاتتىلىعى 4 ميلليون توننا بولاتىن تەمىر جول تەرمينالى جانە بيىل قۋاتى 2 ميلليون توننا بولاتىن اۆتوموبيل بايلانىسى ىسكە قوسىلدى. ناتيجەسىندە، اقتاۋ مەن قۇرىق پورتتارىنىڭ وتكىزۋ قابىلەتى 19,5 ميلليون توننادان 25,5 ميلليون تونناعا دەيىن ارتتى»، - دەدى جەڭىس قاسىمبەك.
ءمينيستردىڭ دەرەگىنشە، قازىرگى ۋاقىتتا قۇرىق پورتىنىڭ جاڭا پارومدىق تەرمينالدارى ارقىلى حالىقارالىق ترانسكاسپي باعىتىندا 23 مىڭنان استام ۆاگون مەن اۆتوكولىكتەر نەمەسە شامامەن 3 ميلليون توننا جۇك تاسىمالدانعان.
«بۇگىنگى كۇنى قازاقستان رەسپۋبليكاسىنىڭ كاسپي تەڭىزىندەگى جۇك تاسىمالداۋ ۇلەسى شامامەن 37 پايىزدى قۇرايدى»، - دەدى ول.
