ءۇندىستانداعى نايزاعايلى شاڭدى داۋىلدان 40 قا جۋىق ادام قايتىس بولدى

«ءۇندىستاننىڭ سولتۇستىگىندە جەكسەنبى كۇنى نايزاعايلى شاڭدى داۋىلدان كەم دەگەندە 40 ادام قايتىس بولدى» ، - دەپ جازادى Times of India باسىلىمى.

باسىلىمنىڭ اقپاراتى بويىنشا، اۋا- رايىنىڭ توسىن مىنەزىنەن ۋتتار- پرادەش، اندحرا- پرادەش، باتىس بەنگاليا مەن دەلي ەلوردالىق وكرۋگى زارداپ شەككەن.

تولىقتىرىپ كەتكەندەي، بۇل وسىمەن سوڭعى كۇندەرى ءۇندىستاننىڭ سولتۇستىگىنە تاپ بەرگەن ءۇشىنشى داۋىل. 10 - مامىر كۇنى بولعان داۋىلدىڭ كەسىرىنەن الدىن الا باعالاۋ بويىنشا 11 دەن 13-كە دەيىن ادام قايتىس بولدى. بۇعان دەيىن، 2 - مامىردا بولعان ءدال وسىنداي تابيعاتتىڭ توسىن مىنەزىنەن 120 عا جۋىق ازامات قازا تاپقان. بۇل كۇنى داۋىلمەن قاتار جاڭبىر جاۋىپ، نايزاعاي جارقىلداعان.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى