الەم حالقىنىڭ 40 پايىزىنا اۋىز سۋ جەتىسپەيدى
بۇل تۋرالى بۇكىلالەمدىك سۋ رەسۋرستارى كۇنىنە بايلانىستى وتكىزىلگەن شارادا ب ۇ ۇ باس حاتشىسى انتونيو گۋتەرريش مالىمدەدى، دەپ حابارلايدى Baq.kz اقپارات اگەنتتىگى cbsnews-كە سىلتەمە جاساپ.
«2050 -جىلى جەر بەتىندەگى ءاربىر ءتورتىنشى ادام سۋ تاپشىلىعىن سەزىنىپ ءومىر سۇرەدى دەپ بولجايمىز. سەبەبى، قازىردىڭ وزىندە جەر شارىنىڭ 40 پايىزى سۋ تاپشىلىعىنان زارداپ شەكسە، 80 پايىز سۋ تازالانباي، قورشاعان ورتاعا تارايدى، ال لاس سۋدان زارداپ شەگۋشىلەر سانى كۇن ساناپ ارتىپ كەلەدى» - دەدى گۋتەرريش.
ب ۇ ۇ- داعى ەۋروپالىق وداق ەلشىسى جۋان ۆالە دە المەيدا وسى سۋ تاپشىلىعىنا بايلانىستى جەر بەتىندەگى ادامداردىڭ كوشى- قونى كوبەيۋى مۇمكىن ەكەنىن ايتتى.
«اۋىز سۋعا قول جەتىمدىلىك - ءاربىر ادامعا تيەسىلى قۇقىق، دەگەنمەن كوپتەگەن مەملەكەتتەردە بۇل قۇقىق شەكتەۋلى. سوندىقتان ادامداردىڭ جاپپاي كوشىپ- قونۋى ورىن الۋى مۇمكىن» - دەدى جۋان ۆالە دە المەيدا.
اۋىز سۋ تاپشىلىعىنىڭ ورىن الۋىنا سەبەپشى فاكتوردىڭ ءبىرى - كليماتتىڭ وزگەرۋى. ال سۋدى دۇرىس باسقارىپ پايدالانباۋ - ەكىنشى فاكتور. ب ۇ ۇ- نىڭ بۇل كەزدەسۋىنىڭ وتۋىنە تۇرتكى بولعان ەل نيدەرلاندى ەكەنىن اتاپ ءوتۋ كەرەك. بۇل ەلدىڭ وكىلى حەنك وۆينك گوللانديالىق تاجىريبەمەن ءبولىستى.
