بولات باقاۋوۆ: ۇلىستىڭ ۇلى كۇنىن پاۆلوداردا 40 كۇن تويلايمىز
- ءاز ناۋرىز ىرگەسى سوگىلمەيتىن بىرلىكتىڭ، ىرىسى توگىلمەيتىن تىرلىكتىڭ مەرەكەسى. سوندىقتان، ۇلىس كۇنىن ءتيىستى دەڭگەيدە اتاپ ءوتىپ ناسيحاتتاۋ كەلەشەك ۇرپاققا امانات. وسىنداي شۋاقتى مەرەكەنى ەل بولىپ قارسى الۋ بارشامىزعا ابىروي. ەلىمىزدىڭ تۇكپىر- تۇكپىرىندە ناۋرىز كەڭىنەن تويلانۋدا. بيىلعى جىلى پاۆلودار وبلىسى ناۋرىز مەرەكەسىنىڭ اياسىن كەڭەيتىپ، اۋقىمىن ارتتىرۋ ماقساتىندا 40 كۇن تويلايتىن بولادى. وسى ۋاقىتتا ءتۇرلى شارالار ۇيىمداستىرىلادى. ەلباسىمىزدىڭ باستاماسىمەن «رۋحاني جاڭعىرۋعا» بەت العان تۇستا سانامىزدى سىلكىنتىپ، ۇلتتىق ءداستۇرىمىزدى دارىپتەپ، ونى جان- جاقتى جۇزەگە اسىرۋ جولىندا تولايىم تابىستار تىلەيمىن، - دەدى ايماق باسشىسى.
ايتا كەتەيىك، بۇگىن قالانىڭ ورتالىق جاعالاۋىندا 15 مىڭنان استام ادام ناۋرىزدى مەرەكەلەۋدە. ءتۇرلى ءىس- شارالارعا 600-دەن استام ونەرپاز قاتىسۋدا.
فوتو: ابزال كابدراش
