اسكەرگە بارماي- اق 40 كۇندىك دايارلىقتان ءوتۋدىڭ شارتتارى قانداي

«اسكەري قىزمەتكە بالامالى قىزمەت جايلى ايتارىم، اقىلى تۇردە اسكەري دايىندىقتان - جاسى 24-تەن اسقان، دەنساۋلىعى جارامدى، اسكەري مىندەتىن اتقارۋدى كەيىنگە شەگەرۋ قۇقىعىنا يە جىگىتتەر عانا وتە الادى. قارۋلى كۇشتەرىمىز سان بويىنشا اسا اۋقىمدى ەمەس بولعاندىقتان، سونداي- اق بارلىق شاقىرىلۋشى كونتينگەنتتى اسكەري دايىندىقپەن 100 پايىز قامتۋ مۇمكىن بولماعاندىقتان، اسكەري دايىندىقتىڭ بالامالى ءتۇرى ۇسىنىلدى. اقىلى تۇردەگى اسكەري دايىندىق مەكتەپتەرىندە وقۋ ءۇشىن ازامات ءوتىنىمدى حالىققا قىزمەت كورسەتۋ ورتالىقتارىنا بەرىپ، ودان كەيىن مەديتسينالىق كوميسسيادان وتەدى»، - دەدى عاني ارتىقوۆ.

ونىڭ ايتۋىنشا، مۇنداي ىرىكتەۋ جىل سايىن 16 دەپارتامەنتتىڭ بارلىعىندا وتكىزىلىپ تۇرادى.

 «ازاماتتاردىڭ ءوتىنىمى بويىنشا ءبىز ولاردىڭ بارلىعىن اسكەري دايىندىق مەكتەبىنەن وتكىزەمىز. ەڭ باستىسى - دەنساۋلىعى جارامدى بولۋى كەرەك. اقىلى اسكەري دايىندىق مەكتەبىنەن ءوتۋ باعاسى 263 مىڭ 158 تەڭگە»، - دەدى ول.

فوتو: mod.gov.kz

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى