ەۆەرەستى باعىندىرعان قازاق 40 جاستا
الەمدەگى ەڭ بيىك نۇكتەنى باعىندىرعان ساناۋلى عانا الپينيستەردىڭ ءبىرى ماقسۇت جۇمايەۆ جەر بەتىندەگى 8000 مىڭنان اساتىن بيىكتىكتەگى 14 تاۋدى دا باسىپ وتكەن. جەردىڭ ەڭ بيىك نۇكتەسىنە تابانىن تىرەپ تۇرىپ، قازاقتىڭ تۋىن تىككەن قازاق ازاماتىمەن ەلىمىز عانا ەمەس، الەم ماقتانادى.
وسى رەتتە سىزدەرگە قىرىقتىڭ قىرقاسىنا شىققان ماقسۇت جۇمايەۆتىڭ الپينيزم تۋرالى ايتقان ويىن ۇسىنىپ وتىرمىز.
كەيدە نەگە بارا جاتقانىڭدى بىلمەگەن دە جاقسى. قاۋىپ-قاتەردى دۇرىس باعالاي المايسىڭ. اكە-شەشەم الپينيزممەن اينالىسقانىمدى قۇپتاعان جوق. بۇل بالاسىن سوعىسقا جىبەرگەنمەن تەڭ. مەنىڭ دەنەم وتتەگى جەتىسپەۋشىلىگىنە بەيىمدەلگەن. مۇنى گيمالايدان ورالعان سوڭ ءبىلدىم. بۇل - تۋا بىتكەن قاسيەت. تۋا ءبىتتى قاسيەتتەردى تاجىريبە ارقىلى دامىتىپ وتىرۋ كەرەك. الپينيزم - ەڭ قاتەرلى سپورت ءتۇرى.
سپورتشىلار اراسىنا ءولىم كورسەتكىشى وتە جوعارى. ماسەلەن، 1991-2011-جىلدار ارالىعىندا 14 سەگىز مىڭدىق شىڭدارعا شىعۋ باعدارلاماسىن ورىنداۋعا قازاقستاندىق الپينيستەردىڭ ءۇش بۋىنى قاتىستى. سونداعى 50 ادامنىڭ ونى ارامىزدا جوق. بارلىعى تاۋدا قالدى. تاۋدىڭ باسىندا نە جاقسى دەيسىز عوي؟ وندا قۇدايعا جاقىندىق بار. وندا ءوزىڭدى ادام ەمەس، كوكتىڭ تۇرعىنىنداي سەزىنەسىڭ.
Massaget.kz
